«WORLD JUDO TOUR» – ГРАНД СЛАМИ ТОКИО-2023. Дар ин мусобиқа Тоҷикистонро 10 варзишгар муаррифӣ менамояд

ДУШАНБЕ, 22.11.2023. /АМИТ «Ховар»/. Дастаи ҷудои Тоҷикистон дар мусобиқаи навбатии «World Judo Tour» – Гранд Слами Токио-2023 дар ҳайати 10 нафар иштирок менамояд. Дар ин хусус АМИТ «Ховар» бо истинод ба Федератсияи ҷудои Тоҷикистон хабар медиҳад.

Мусобиқа 2-3 декабр бо иштироки 500 варзишгари беш аз 84 давлат баргузор мешавад.

Тоҷикистонро дар ин мусобиқа 10 варзишгар байни мардҳо, аз ҷумла Муҳаммадсолеҳ Қувватов (-60кг), Меҳрзод Суфиев (-60кг), Эмомалӣ Нуралӣ (-66кг), Обид Ҷебов (-66кг), Беҳрӯз Хоҷазода (-73кг), Абубакр Шеров (-73кг), Сомон Маҳмадбеков (-81кг), Муҳаммадҷон Абдуҷалилзода (-81кг), Комроншоҳи Устопириён (-90кг) ва Эмомризо Анварзода (-100кг) намояндагӣ менамоянд

Фонди умумии ҷоизаҳо 154 000 евроро ташкил медиҳад. Ғолибон дар ҳамаи 14 вазн 5000 евро, барандагони медали нуқра 3000 евро ва медали биринҷӣ 1500 евро ҷоизапулӣ дарёфт менамоянд.

АКС: Федератсияи ҷудои Тоҷикистон