БАХШИДА БА 35-СОЛАГИИ ИСТИҚЛОЛИ ДАВЛАТӢ. Зиёда аз 101 километр роҳҳои маҳаллӣ ва ҷумҳуриявии шаҳру навоҳии минтақаи Ҳисор мумфарш гардидаанд
ДУШАНБЕ, 19.12.2023 /АМИТ«Ховар»/. Соли 2023 бахшида ба ҷашни 35-солагии Истиқлоли давлатӣ дар шаҳру ноҳияҳои Варзоб, Норак, Файзобод, Ваҳдат, Рӯдакӣ, Ҳисор, Шаҳринав, Турсунзода ва Роғун 101,44 км роҳҳои дорои аҳамияти маҳаллӣ ва ҷумҳуриявиро мумфарш намуданд, ки аз ин шумора 85 километру 720 метр аз ҳисоби соҳибкорону саҳми аҳолӣ, 9, 595 км бо саҳми мақомоти маҳал ва 7,600 км аз ҳисоби муассисаи нигоҳдории роҳҳо мебошад. Дар ин хусус сармуҳандиси Муассисаи давлатии «Идораи хоҷагии роҳҳои автомобилгард»-и минтақаи Ҳисор Фаррухҷон Абдиев ба хабарнигори минтақавии АМИТ «Ховар» Субҳониддини Маҳмуд иттилоъ дод.
Хурсандиовар аст, ки сокинону соҳибкорон барои муҳайё намудани беҳтарин шароит дар деҳот ва маҳали худ аввал ба мумфарш намудани роҳҳо машғул мешаванд. Имсол танҳо соҳибкорону сокинони шаҳри Турсунзода 58,4 км, шаҳри Ваҳдат- 14,8 км, шаҳри Ҳисор- 4,2 км, ноҳияи Рӯдакӣ- 5 км ва ноҳияи Файзобод- 2,57 км роҳҳои маҳаллиро мумфарш намудаанд.
Тибқи иттилои сардори Муассисаи давлатии «Идораи хоҷагии роҳҳои автомобилгард»-и минтақаи Ҳисор Насрулло Файзуллозода, дар асоси қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2023 – 2024» дар 9 муассисаи давлатии нигоҳдории роҳҳои автомобилгарди минтақаи Ҳисор маводи зиддилағжиш, ангишт, ҳезум ва сӯзишвории дизелӣ захира шудааст.
Инчунин барои зимистонгузаронӣ 66 техникаю механизмҳои роҳдорӣ омода гардидаанд, ки аз инҳо 31 адад ба минтақаҳои хавфнок вобаста шудаанд.
«Ҳамчунин хатҳои равшанидиҳии шаҳру ноҳияҳои Ҳисор, Шаҳринав, Турсунзода, Душанбе-Ваҳдат, Восеъ, Ховалинг пурра дар ҳолати корӣ қарор доранд»,- гуфт сармуҳандиси Муассисаи давлатии нигоҳдории нақбҳо ва шабакаҳои равшандиҳӣ Холмаҳмад Худойбердиев.
АКС: АМИТ «Ховар»
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
Ҳаҷми истеҳсоли маҳсулоти саноатӣ дар соҳаи коркард беш аз 20 фоиз зиёд шудааст
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Бахшида ба Ҳафтаи илми тоҷик дар Хонаи китоби Тоҷикистон конференсияи илмӣ доир шуд
