Бозингарони дастаи «Хатлон-1» дар Мусобиқаи ҷумҳуриявии футболи «Гузариш» сазовори ҷойи аввал гардиданд

Декабрь 18, 2023 18:20

ДУШАНБЕ, 18.12.2023. /АМИТ «Ховар»/. Бозигарони дастаи «Хатлон-1» дар Мусобиқаи ҷумҳуриявии «Гузариш», ки ба поси хотири собиқ дабири кулли Федератсияи футболи Тоҷикистон Ислом Маҳмадшоев доир гардид, ғолиб дониста шуданд, хабар доданд ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Ҷамъбасти мусобиқа дар майдони захиравии Варзишгоҳи марказии шаҳри Душанбе доир шуда, дар он ҳашт дастаи мунтахаби минтақавӣ ба ду гурӯҳ тақсим шуда, байни ҳам рақобат намуданд.

Барои мақоми сеюм дастаи «Хатлон-2» бо дастаи «Душанбе» рақобат намуда, дастаи «Хатлон -2» бо ҳисоби 2:0 пирӯз ва барандаи мақоми сеюми мусобиқа гардид.

Барои мақоми аввали мусобиқа дастаҳои «Душанбе-1» ва «Хатлон-1» байни ҳам рақобат намуда, бозигарони дастаи «Хатлон-1» бо ҳисоби 2:1 пирӯз шуда, барандаи мусобиқаи «Гузариш» дар соли 2024 шуданд.

Ҳадафҳои аслии ин мусобиқа дар баробари таблиғ оммавӣ намудани футбол ва муайян намудани ғолибон, инчунин имкони дарёфти бозигарони нав барои дастаҳои лигаҳои олӣ ва якуми Тоҷикистон буд.

Мусобиқа бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Федератсияи футболи Тоҷикистон ва Лигаи футболи кӯдакону наврасони Тоҷикистон ташкил гардид.

АКС: Федератсияи футболи вилояти Хатлон

Декабрь 18, 2023 18:20

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад