Далер Ҷумъа: «Тоҷикистон метавонад дар бунёди бозори минтақавии неруи барқ саҳми арзанда гузорад»

Декабрь 4, 2023 13:55

ДУШАНБЕ, 04.12.2023 /АМИТ «Ховар»/. Тоҷикистон, ки дорои иқтидори бузурги гидроэнергетикӣ мебошад, метавонад дар бунёди бозори минтақавии неруи барқ саҳми арзанда гузорад ва ҳамзамон дар коҳиши партовҳои зараровар ба атмосфера мусоидат намояд. Чунин баён дошт Вазири энергетика ва захираҳои оби Ҷумҳурии Тоҷикистон Далер Ҷумъа дар муколамаи сатҳи баланд таҳти унвони «Таъмини рушди устувор: Изҳороти Бали оид ба гидроэнергетика», ки иштирокчии ин панел буд,  хабар медиҳад АМИТ «Ховар» бо истинод ба Вазорати энергетика ва захираҳои об.

Муколама 2 декабр дар ҳошияи конфронси 28-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим дар Дубайи Амороти Муттаҳидаи Араб доир гардид.

Изҳороти Бали оид ба рушди устувор 2 ноябри соли раовн дар Конгресси умумиҷаҳонии гидроэнергетикӣ дар Балии Индонезия қабул гардидааст. Дар он гуфта мешавад, ки гидроэнергетикаи устувор бояд меҳвари стратегияҳои миллӣ барои эҷоди иқтисодҳои шукуфони камкарбон бошад, ки аз энергияи тоза ва барқароршаванда таъмин мешаванд.

Иштирокчиёни муколама масъалаҳои банақшагирии эҳтиёҷоти ояндаи энергетикӣ, мусоидат ба рушди устувори гидроэнергетика тавассути механизмҳои молиявӣ ва бозорӣ, суръат бахшидан ба рушди энергияи барқароршаванда тавассути равандҳои шаффоф ва самараноки иҷозатдиҳӣ ва иҷозатномадиҳӣ ва ҳамгироии таҷрибаҳои рушди устувори гидроэнергетика ба қоидаҳо ва уҳдадориҳои ҳукуматро баррасӣ намуданд.

Далер Ҷумъа иброз намуд, ки бо назардошти тамоюлҳои охирини ҷаҳонӣ давлатҳо ба таблиғи фаъолонаи рӯзномаи иқлим шуруъ намудаанд ва дар мисоли минтақаи Осиёи Марказӣ таъкид намуд, ки ҳар давлат стратегияҳое қабул намудааст, ки тибқи онҳо гузаштан ба манбаъҳои барқароршавандаи энергия ё зиёд намудани ҳиссаи энергияи барқароршаванда дар мувозинати умумии энергия пешбинӣ шудааст.

«Тоҷикистон дорои захираҳои бузурги гидроэнергетикӣ буда, саъй дорад, ки онҳоро на танҳо барои баланд бардоштани сатҳи зиндагии шаҳрвандони худ, балки барои ҳамкории мутақобилан судманд бо кишварҳои ҳамсоя тавассути интиқоли неруи барқ ​​ва оби аз ҷиҳати экологӣ тоза истифода намояд. Ҷумҳурии Тоҷикистон аҳамияти ташкили бозори минтақавии неруи барқро дар Осиёи Марказӣ бо дурнамои пайвастани давлатҳои Осиёи Ҷанубӣ ба он эътироф менамояд», — изҳор дошт вазир.

Таъкид гардид, ки Тоҷикистон, ки дорои иқтидори бузурги гидроэнергетикӣ мебошад, метавонад дар бунёди бозори минтақавии неруи барқ ​​саҳми арзанда гузорад ва ҳамзамон дар коҳиши партовҳои зараровар ба атмосфера мусоидат намояд.

 АКС: Вазорати энергетика ва захираҳои оби Ҷумҳурии Тоҷикистон

Декабрь 4, 2023 13:55

Хабарҳои дигари ин бахш

Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Душанбе масоили таъсиси марказҳои логистикӣ, платформаи рақамӣ ва мактаби содирот баррасӣ шуд
Тоҷикистон ва Кореяи Ҷанубӣ тасмим гирифтаанд суратҳисобҳои муросилотӣ кушоянд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ баргузор шуд
МАСЛИҲАТИ МУТАХАССИС. Ҳикматулло Назиров: «Ин барф ба дарахтоне, ки гул кардаанд, чандон зарар намерасонад»
РАВАНДИ ОБИ ДУШАНБЕ. Корҳои омодагӣ ҷиҳати баргузор намудани Конфронси сеюми байналмилалии сатҳи баланд оғоз гардиданд
Хушкмеваҳои Тоҷикистон дар «Gulfood» ба намоиш ва фурӯш гузошта шуданд
Дар ноҳияи Абдураҳмони Ҷомӣ 60 тухмипошаки нав ба кишти пунбадона ҷалб мешавад
Соли 2024 дар Бадахшон зиёда аз 40 корхонаи саноатӣ мавриди баҳрабардорӣ қарор дода мешавад
Вазорати адлияи Тоҷикистон ба буҷет 72 миллиону 532 ҳазор сомонӣ боҷи давлатӣ ворид намуд
НАЗАРИ КОРШИНОС. Гузариш ба пардохтҳои ғайринақдӣ ба сарфаи вақти муштариён мусоидат менамояд
Беш аз 165 ҳазор субъектҳои хоҷагидор эъломияҳои худро тариқи электронӣ пешниҳод менамоянд