Дар ноҳияи Фархор баъд аз навсозӣ дидбонгоҳи сарҳадӣ ба истифода дода шуд
ДУШАНБЕ, 14.12.2023 /АМИТ «Ховар»/. Бо дастгирии Ҳукумати Ҷумҳурии Тоҷикистон дар ноҳияи Фархор дидбонгоҳи сарҳадии «Дарқад» пурра навсозӣ гардида, ба истифода дода шуд, иттилоъ медиҳад АМИТ Ховар бо истинод ба бахши матбуоти Мақомоти иҷроияи ҳокимияти давлатӣ дар ноҳияи Фархор.
Иброз гардид, ки навасозии дидбонгоҳи сарҳадии «Дарқад» нишони таваҷҷуҳу ғамхориҳои пайвастаи Сарвари давлат муҳтарам Эмомалӣ Раҳмон нисбат ба ҳомиёни Ватан, аз ҷумла хизматчиёни Қӯшунҳои сарҳадӣ мебошад.
Ҳамзамон бо муборакбодии ҳайати шахсӣ, оид ба саҳм ва нақши асосии неруҳои сарҳадӣ дар ҳифзу ҳимояи Ватан ибрози андаша гардид.
Фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва роҳбарияти ноҳияи Фархор сарҳадбононро ба зиракиву ҳушёрӣ, далериву шуҷоатмандӣ ва хизмати содиқона ҳидоят карда, ба бунёдкорони иншоот изҳори сипос намуданд.
Иншооти мазкур дорои хобгоҳ, ошхона, ҳамом ва дигар инфрасохторҳои зарурии низомию хоҷагидорӣ мебошад.
Аз ҷониби Мақомоти иҷроияи ҳокимияти давлатии ноҳияи Фархор, ки дар вусъати корҳои бунёдии ин иншоот нақши муҳим гузоштааст, барои сарбозону афсарон дастурхони идона густурда шуд.
Ҳунармандони шуъбаи фарҳанги ноҳияи Фархор барномаи пурмуҳтавои фарҳангиро, ки дар мавзуъҳои васфи Ватан, ҳифзи марзу буми он, таҳкими Истиқлолияти давлатӣ, эҳтироми модар ва дигар арзишҳои миллӣ мураттаб гардида буд, пешниҳоди иштирокдорони маросим намуданд, ки рўҳияи онҳоро болида намуд.
Бояд гуфт, ки баъди навсозии иншооти мазкур шароити хизмат ва зисти сарҳадбонон дар ноҳияи Фархор ба таври назаррас беҳбудӣ ёфт.
АКС: Мақомоти иҷроияи ҳокимияти давлатӣ дар ноҳияи Фархор
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
