ФУТБОЛ. Чемпионати Тоҷикистон байни дастаҳои Лигаи олӣ анҷом ёфт
ДУШАНБЕ, 20.12.2023. /АМИТ «Ховар»/. Чемпионати 32-юми Тоҷикистон оид ба футбол байни дастаҳои Лигаи олӣ бо пирӯзии дастаи футболи «Истиқлол»-и шаҳри Душанбе анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи футболи «Истиқлол»-и шаҳри Душанбе бори 12-ум соҳиби унвони чемпиони Тоҷикистон гардид. Ин даста қаблан солҳои 2010, 2011, 2014, 2015, 2016, 2017, 2018, 2019, 2020, 2021 ва 2022 сазовори медалҳои тилло шуда буд.
Бояд гуфт, ки дастаи футболи «Истиқлол»-и шаҳри Душанбе дар мавсими 2023 дар 22 бозӣ 52 хол ба даст овард. Ҷои дуюмро бо 38 хол дастаи футболи «Равшан»-и шаҳри Кӯлоб гирифт. Дастаи футболи «Эсхата»-и шаҳри Хуҷанд бо 33 хол бори аввал дар таърихи фаъолият барандаи медалҳои биринҷии Чемпионати Тоҷикистон шуд.
Дастаҳои футболи «Хатлон»-и шаҳри Бохтар ва «Регар-ТадАЗ»-и шаҳри Турсунзода, ки дар ду ҷои охири ҷадвал мавқеъ гирифтаанд, лигаи Олиро тарк намуда, дар мавсими оянда дар Лигаи якум бозӣ менамоянд.
Хотиррасон мешавем, ки Чемпионати 33-юми Тоҷикистон оид ба футбол байни дастаҳои Лигаи олӣ 30 марти соли 2024 оғоз шуда, мисли ду соли охир дар ду қисм баргузор мешавад. Дар қисми аввал даҳ даста дар ду марҳила бозӣ менамоянд. Баъдан дастаҳо дар қисми дуюм ба ду гурӯҳ тақсим мешаванд. Дар умум, ҳар даста дар чемпионат 22 бозӣ анҷом медиҳад.
Ҳамчунин дар мавсими 2024/25 ду даста аз Тоҷикистон дар мусобиқаҳои Конфедератсияи футболи Осиё (AFC) ҳунарнамоӣ менамоянд. Дастаи футболи «Истиқлол»-и шаҳри Душанбе дар марҳилаи гурӯҳии Лигаи чемпионҳои Осиё бозӣ намуда, дастаи футболи «Равшан»-и шаҳри Кӯлоб дар плэй-офф барои роҳхат ба марҳилаи гурӯҳии Лигаи чемпионҳо бозии гузариш анҷом медиҳад. Дар сурати аз плэй-офф нагузаштан дастаи футболи «Равшан»-и шаҳри Кӯлоб дар «Challenge League»-и AFC ҳунарнамоӣ менамояд.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
