Муассисаи давлатии нигоҳдории роҳҳои автомобилгарди ноҳияи Восеъ ба мавсими сармо омода аст
ДУШАНБЕ, 03.12.2023 /АМИТ «Ховар»/. Кормандони Муассисаи давлатии нигоҳдории роҳҳои автомобилгарди ноҳияи Восеъ барои гузаронидани зимистони солҳои 2023 – 2024 ҳамаҷониба омодагӣ дидаанд. Алҳол дар тавозуни муассиса 275, 2 километр роҳ мавҷуд аст, ки аз ин 42 километр роҳҳои байналмилалӣ, 67 километр роҳҳои ҷумҳуриявӣ ва 166,2 километр роҳҳои маҳаллӣ мебошанд.
Тавре сардори муассиса Қурбон Ҳукматуллоев ба АМИТ «Ховар» иттилоъ дод, барои гузаронидани фасли зимистон дар айни замон дар муассиса 350 метри мукааб маводи зидди лағжиш, 2400 литр сӯзишворӣ ва 7 куб ҳезум захира шуда, инчунин 10 механизми роҳдорӣ омода мебошанд.
Ҳамчунин иттилоъ дода шуд, ки моҳи октябри соли равон дар Ҷамоати деҳоти Тугараки ноҳияи Восеъ аз ҷониби соҳибкорони маҳаллӣ бо кумаки техникаҳои Муассисаи давлатии нигоҳдории роҳҳои автомобилгарди ноҳия беш аз 4 километр роҳи маҳаллӣ пурра асфалтпӯш гардид.
Бояд ёдовар шуд, ки бинои Муассисаи давлатии нигоҳдории роҳҳои автомобилгард дар ноҳияи Восеъ аз соли 1963 фаъолият менамояд. Бо сабаби гузашти солҳо бино кӯҳнаю фарсуда гардида, ба талаботи замон ҷавобгӯ набуд. Ҳоло сохтмони бино аз ҷониби Лоиҳаи Меҳробод – Темурмалик – Кангурт оғоз гардида, аллакай 70 фоизи корҳои сохтмонӣ ба анҷом расидаанд.
Қурбон Ҳукматуллоев дар идомаи суҳбат гуфт, ки бинои нави муассиса аз се ошёна ва таҳхона иборат буда, дар корҳои сохтмонӣ 14 сокини маҳаллӣ бо ҷойи кор ва маоши хуб таъмин гардид.
Дар айни замон дар Муассисаи давлатии нигоҳдории роҳҳои автомобилгарди ноҳияи Восеъ 54 корманд фаъолият намуда, бо хӯроки гарм ва либосҳои махсуси корӣ, аз ҷумла зимистонаю тобистона таъмин мебошанд.
АКС: АМИТ «Ховар»
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
