НУҲ ДАВЛАТИ ОСИЁ ДАР ДУШАНБЕ. Ҷаласаи гурӯҳи коршиносони минтақавӣ оид ба беҳдошти устуворӣ ба офатҳои табиӣ оғоз ёфт
ДУШАНБЕ, 07.12.2023 /АМИТ «Ховар»/. 7 декабр дар шаҳри Душанбе таҳти унвони «Беҳдошти устуворӣ ба офатҳои табиӣ: Истифодаи маълумот, технология ва сиёсат барои таъмини ояндаи бехатар» ҷаласаи ҳаштуми гурӯҳи коршиносони минтақавӣ оғоз ёфт. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Дар кори он роҳбарони вазорату идораҳои ваколатдори соҳаи идоракунии хатари офатҳои табиӣ аз нуҳ давлати Осиё- Тоҷикистон, Ҳиндустон, Эрон, Камбоҷа, Макао, Микронезия, Муғулистон, Туркия, Бангладеш ва намояндагони созмонҳои байналмилалӣ иштирок менамоянд. Ҷаласа аз ду қисмат иборат буда, муҳокимаҳои пленарӣ ба таҳкими тавонмандиҳои муштарак барои коҳиш додан, вокуниш ба офатҳои табиӣ ва идоракунии муассир, бахусус дар заминаи тағйирёбии иқлим, урбанизатсия ва камбизоатӣ нигаронида шудаанд. Ҳамоиш аз ҷониби Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар якҷоягӣ бо Маркази Осиё ва Уқёнуси Ором оид ба рушди идоракунии иттилоот оид ба офатҳои табиӣ (APDIM) ташкил шуд.
Ҳадафи асосии ҷаласаи гурӯҳи коршиносони минтақавӣ мусоидат ба табодули дониш, ҳалли инноватсионӣ ва таҷрибаи пешқадам дар идоракунии офатҳои табиӣ бо таваҷҷуҳ ба ҳамгироии маълумот, технология ва сиёсат барои беҳтар намудани омодагӣ ва қобилияти вокуниш дар минтақаи Осиё ва Уқёнуси Ором мебошад.
Бояд гуфт, ки ҷаласаи ҳаштуми гурӯҳи коршиносони минтақавӣ 8 декабр низ идома меёбад.
София ШОИК,
АМИТ «Ховар»
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
23 ФЕВРАЛ — РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Артиши миллӣ 33 сол боз амнияту оромии давлат ва ҷомеаро ҳифз менамояд
ҚУВВАҲОИ МУСАЛЛАҲ — МУҲОФИЗИ СУЛҲ, СУБОТ ВА ЗИНДАГИИ ОСУДАИ МАРДУМ. Иқтибосҳо аз суханрониҳои Президенти Тоҷикистон бахшида ба Рӯзи таъсиси Қувваҳои Мусаллаҳи Тоҷикистон
Бахшида ба 33-солагии таъсиси Қувваҳои Мусаллаҳ дар Вилояти Мухтори Кӯҳистони Бадахшон чорабинии тантанавӣ баргузор шуд
Нақши Қувваҳои Мусаллаҳи Ҷумҳурии Тоҷикистон дар шароити тағйирёбии ҷаҳони муосир муассир аст
АРТИШИ МИЛЛӢ — СИПАРИ БОЭЪТИМОДИ ДАВЛАТДОРӢ ВА РАМЗИ ИСТИҚЛОЛИЯТИ ТОҶИКОН. Эҳдо ба 33-солагии таъсиси Қувваҳои Мусаллаҳи Тоҷикистон
Дар Маркази тадқиқоти стратегӣ бахшида ба Рӯзи Қувваҳои Мусаллаҳи Тоҷикистон ҳамоиш баргузор шуд
33-СОЛАГИИ ТАЪСИСИ ҚУВВАҲОИ МУСАЛЛАҲ. Дар Душанбе ҳамоиши тантанавӣ доир гардид
Қувваҳои Мусаллаҳи Тоҷикистон дар таъмини амну суботи ҷомеа нақши калидӣ доранд
