Раёсати воҳидҳои таъйиноти махсуси Вазорати корҳои дохилии Тоҷикистон бо нақлиёти муосири соҳавӣ таъмин гардид
ДУШАНБЕ, 30.12.2023 /АМИТ «Ховар»/. Ба Раёсати воҳидҳои таъйиноти махсуси Вазорати корҳои дохилии Ҷумҳурии Тоҷикистон дар доираи татбиқи Нақшаи миллии амалиёти Ҷумҳурии Тоҷикистон тибқи Қатъномаи 1540 Шурои амнияти Созмони Милали Муттаҳид мошинҳои тамғаи «Toyota Hilux», ки бо детекторҳои кашфи маводи ҳастаӣ ва радиоактивӣ муҷаҳҳаз шудаанд, супорида шуданд. Дар ин хусус ба АМИТ «Ховар» дар шуъбаи муносибатҳои байналмилалӣ ва робита бо ҷомеаи Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Илҳом Мирсаидзода ҳамчун ҳамоҳангсози миллӣ аз номи донорҳои байналмилалӣ барои истифодаи хизматӣ ба кормандони Раёсати воҳидҳои таъйиноти махсуси Вазорати корҳои дохилии Ҷумҳурии Тоҷикистон мошинҳои хизматиро тақдим намуд.
Ин кумаки фаннӣ дар чаҳорчӯби тарҳи «Амнияти сарҳади сабз» ироа мешавад, ки ҳадафаш таҳкими зерсохтори ниҳодҳои қудратии Ҷумҳурии Тоҷикистон дар марз бо Афғонистон мебошад.
Дар доираи татбиқи ин лоиҳа интиқоли лавозимоти махсус ба нақша гирифта шудааст, ки либос, зиреҳҳои бадан, таҷҳизот барои амалиёт дар минтақаҳои кӯҳӣ, либоси махсуси муҳофизатӣ барои поксозии минаҳо, дастгоҳҳои биниши шабона, дурбинҳо, монокл, радиомухобираҳо (радиоприёмник), мошинҳои махсуси ҳарбӣ, автомобилҳо, микроавтобусҳое, ки дар онҳо таҷҳизоти ҳассос барои ошкор намудани ҳаракати ғайриқонунӣ, инчунин маводи ядроӣ ва радиоактивӣ насб шудаанд, аз ин ҷумла мебошанд.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
