СУРАТГУЗОРИШ. Бохтар мизбони Форуми соҳибкории G5 гардид

ДУШАНБЕ, 25.12.2023 /АМИТ «Ховар»/. Тавре қаблан иттилоъ додем, бо иштироки доираи васеи соҳибкорони ватанӣ, намояндагони вазорату идораҳо, бахши хусусӣ, сармоягузорон ва шарикони рушд   дар шаҳри Бохтар бо ибтикори Муассисаи давлатии «Ташаккул ва рушди соҳибкории Тоҷикистон»-и Кумитаи давлатии сармоягузорӣ ва идораи амволи давлатии Ҷумҳурии Тоҷикистон Форуми соҳибкории G5 баргузор гардид.

Тавре ба АМИТ «Ховар» дар Муассисаи давлатии «Ташаккул ва рушди соҳибкории Тоҷикистон» иттилоъ доданд, форум бори нуҳум баргузор гардид, ки ҳадафи он баланд бардоштани малакаҳои соҳибкории ҷавонон, ҳавасманд ва ҷалб намудани онҳо ба фаъолияти соҳибкорӣ, муаррифии имконоти сайёҳии ҷумҳурӣ, рушди соҳаи кишоварзӣ ва мусоидат ба рушди иқтисоди мамлакат мебошад.

Дар форум 6 соҳибкори муваффақи ватанӣ доир ба мавзуъҳои мубрами фаъолияти соҳибкорӣ ва инчунин таҷрибаву муваффақияти худ табодули афкор намуданд.

Аз ҷараёни баргузории Форуми соҳибкории G5 АМИТ «Ховар» суратгузориш  омода намудааст.