ТОҶИКИСТОН ВА МАСЪАЛАҲОИ МУБРАМИ СИЁСАТИ БАЙНАЛМИЛАЛӢ. Таҳти ин унвон дар Душанбе ҳамоиш доир гардид
ДУШАНБЕ, 15.12.2023 /АМИТ «Ховар»/. Дар Маркази тадқиқоти стратегии назди Президенти Ҷумҳурии Тоҷикистон дар мавзуи «Ҷумҳурии Тоҷикистон ва масъалаҳои мубрами сиёсати байналмилалӣ» ҳамоиш баргузор шуд, ки дар он масъалаи печидашавии вазъи сиёсии байналмилалии ҷаҳон ва мавқеи Ҷумҳурии Тоҷикистон дар сиёсати байналмилалӣ баррасӣ гардид. Дар ин хусус ба АМИТ «Ховар» дар Маркази тадқиқоти стратегӣ хабар доданд.
Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода изҳор намуд, ки имрӯзҳо кишварҳои ҷаҳон талоши худро ба он равона намудаанд, ки барои ҳифз ва тақвияти назми ҷаҳонӣ як стратегияи куллиро амалӣ созанд, зеро хавфи аз назорати ниҳодҳои эътиборноки байналмилалӣ хориҷ шудани идораи бештари равандҳои ҷаҳонӣ ва минтақавӣ ҳанӯз боқӣ мемонад.
«Баъзе аз давлатҳо аз он изҳори ташвиш менамоянд, ки назми ҷаҳонии пас аз Ҷанги дуюми ҷаҳонӣ тарҳрезишуда аз бисёр ҷиҳат шикаста ба назар мерасад ва бояд низомҳои нави ташаккулёбанда ҷойгузини онҳо гарданд. Мавқеи Ҷумҳурии Тоҷикистон дар робита ба ин масъала чунин аст, ки бояд фаъолияти ниҳодҳои мавҷудаи низоми байналмилалӣ, ба монанди Созмони Милали Муттаҳид (СММ) тақвият дода шавад ва созмонҳои минтақавӣ низ дар паҳлуи ин созмон қарор гиранд. Ҷумҳурии Тоҷикистон аз ин рӯ ҷонибдории худро аз низоми чандҷанбавии (мултилатерализм) пайваста баён дошта, дар ҳамкорӣ бо кишварҳои минтақа ва олам аз он пайгирӣ менамояд»,-баён дошт ӯ.
Таъкид гардид, ки дар маҷрои ин хатарҳо равшан мушоҳида мешавад, ки баъзе аз давлатҳо, баръакс дар талоши ҷойгир намудани диду мавқеашон бе эҳтироми мавқеи дигар кишварҳо ба ҷойи қарорҳои созмонҳои байналмилалӣ мебошанд. Яъне, имрӯз байни кишварҳо ва низомҳои сиёсӣ рақобати хатарноки ҳастисоз ба вуҷуд омадааст.
Имрӯзҳо нақши кишварҳои рушдёбанда дар таъмини пешрафти иқтисоди ҷаҳонӣ афзуда, бештари онҳо дар идоракунии равандҳои ҷаҳонӣ саҳми арзанда мегузоранд.
Иброз гардид, ки вазъи сиёсии байналмилалӣ мураккабу печида ва пешгӯйинашаванда гардидааст ва пайи ҳам тағйирот ба амал меоянд, ки хоҳу нохоҳ таъсири худро ба кишварҳои рӯ ба рушд мегузоранд.
Ҳамзамон таъкид гардид, ки барои ҳифзи суботи мамлакат таҳлилҳои амиқ дар бахшҳои сиёсати хориҷӣ ва амнияту иқтисодӣ зарур мебошанд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Дар Афғонистон 1,4 миллион духтар аз таҳсил дар мактаб дур мондаанд
Дар ноҳияи Айнӣ пайомадҳои офати табиӣ бартараф мегарданд
Пагоҳ дар Душанбе Иди тарбуз, харбуза ва каду баргузор мегардад
«Худшиносӣ – омили таҳкимбахши давлатдории миллӣ». Таҳти ин унвон дар шаҳри Гулистон вохӯрӣ баргузор гардид
Имрӯз дар Тоҷикистон ҳаво то 36 дараҷа гарм мешавад
Дар Афғонистон ба занон сурудхонӣ ва қироат бо садои баланд дар ҷойҳои ҷамъиятӣ манъ карда шуд
Дар ноҳияи Ванҷ бахшида ба ташаббусҳои ҷаҳонии Тоҷикистон конфронси ҷумҳуриявӣ доир гардид
Имрӯз дар шаҳри Душанбе ҳаво то 36 дараҷа гарм мешавад
Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
22-23 август дар баъзе минтақаҳои кӯҳии Тоҷикистон омадани сел дар назар аст
Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
