Бо мақсади омӯзиши Паёми Президенти Тоҷикистон дар Маркази омӯзиши «Мактаби давлатдории Эмомалӣ Раҳмон» ҳамоиш баргузор шуд
ДУШАНБЕ, 10.01.2024 /АМИТ «Ховар»/. Бо мақсади омӯзиш ва таҳлили ҳамаҷонибаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» дар Маркази омӯзиши «Мактаби давлатдории Эмомалӣ Раҳмон» дар мавзуи «Самтҳои муҳимтарини сиёсати дохилӣ ва хориҷии мамлакат дар Паёми Президенти Ҷумҳурии Тоҷикистон» ҳамоиш доир шуд. Дар ин хусус АМИТ «Ховар» бо истинод ба Академияи идоракунии давлатии назди Президенти Ҷумҳурии Тоҷикистон хабар медиҳад.
Дар ҳамоиш иброз гардид, ки ҳамасола дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон муҳимтарин барномаву ҳадафҳои созандаву бунёдкоронаи давлату Ҳукумат ва роҳбарияти мамлакат пешниҳод мегардад. Президенти мамлакат дар назди кормандони соҳаи маориф ҳамасола масъалаи тайёр намудани мутахассисони боихтисос ва ба замони муосир мувофиқ, истифодаи босамари усулҳои пешқадами таълим ва навгониҳои илму техника, ҷалби хонандагон ба касбомӯзӣ ва рушди фанҳои дақиқ ва дар баробари ин наздик шудан ба фазои ягонаи таҳсилоти ҷаҳониро мегузорад. Ин аз мо тақозо менамояд, ки пайваста дар роҳи омӯзиши илм талош варзида, мамлакати худро дар арсаи ҷаҳонӣ муаррифӣ намоем.
Масъалаҳои иҷтимоиву иқтисодӣ, суръат бахшидан ба бунёдкориву созандагӣ, рушду инкишофи илму маорифи миллӣ, баланд бардоштани нақши занон дар ҷомеа, таҳкимбахшии мавқеи байналмилалии Тоҷикистон дар заминаи сиёсати дурусту оқилонаи хориҷӣ аз ҷумлаи масъалаҳое буданд, ки иштирокдорон барасӣ намуданд.
Дар фарҷоми ҳамоиш пешниҳоду дархости аҳли нишаст шунида шуда, доир ба Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ва татбиқи нишондиҳандаҳои он дар ҳаёти ҷамъиятӣ байни иштирокчиён табодули афкор доир гардид.
АКС: Академияи идоракунии давлатии назди Президенти Ҷумҳурии Тоҷикистон
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
