Дар «Амонатбонк» ба ифтихори 115-солагии Қаҳрамони Тоҷикистон, академик Бобоҷон Ғафуров ҳамоиш доир гардид

Январь 18, 2024 17:18

ДУШАНБЕ, 18.01.2024 /АМИТ «Ховар»/. Бахшида ба 115-солагии Қаҳрамони Тоҷикистон, аллома Бобоҷон Ғафуров дар Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» бо иштироки кормандони бонк ва донишмандон ҳамоиш баргузор гардид, иттилоъ медиҳад АМИТ «Ховар» бо истинод ба «Амонатбонк».

Иштирокдорони ҳамоиш нахуст филмномаеро тамошо намуданд, ки аз  зиндагинома ва фаъолияти аллома Бобоҷон Ғафуров ҳикоя менамуд.

Таъкид шуд, ки академик Бобоҷон Ғафуров аз ҷумлаи шахсиятҳои маъруфи илму фарҳанги миллат мебошад, ки барои ташаккул додан ва ташвиқу тарғиби тамаддуни мардуми тоҷик хизматҳои шоён намудааст.

Гуфта шуд, ки нақши модари  Бобоҷон Ғафуров -шоираи тоҷик  Розияи Озод дар тарбия ва ба камол расонидани фарзонафарзанд ва Қаҳрамони миллати тоҷик басе арзишманд  мебошад.

Инчунин иштирокдорони ҳамоиш роҷеъ ба китоби «Тоҷикон»-и Бобоҷон Ғафуров ибрози  назар намуда, нақши китобро дар муаррифии таърихи миллати  тоҷик муҳим арзёбӣ намуданд.

Таъкид гардид, ки  китоби «Тоҷикон» оинаи тамаддуни миллати тоҷик, хазинаи бебаҳои таърихи ниёгон ва шуҷоату бузургии тоҷиконаи академик Бобоҷон Ғафуров мебошад, ки муҳимтарин сарчашмаи илмию таърихии миллати тоҷикро барои наслҳои имрӯзу фардо баррасӣ намудааст.

Бобоҷон Ғафуров бо чопи ин шоҳасар исбот намуд, ки тоҷикон дорои таърихи бой, гузаштаи  пурифтихор ҳастанд ва ниёзе ба таърихи сохтаю бофта ё таҳрифи таърих надоранд.

Бояд тазаккур дод, ки Президенти Ҷумҳурии Тоҷикистон муҳтарам Эмомалӣ Раҳмон китоби «Тоҷикон»-ро «шиносномаи миллат» ном бурдаанд. Ин асар барҳақ китоби рӯйимизии ҳар фарди соҳибмаърифати тоҷик мебошад, ки барои худогоҳии миллӣ ва рушди тафаккури таърихии мардуми мо чун обу ҳаво зарур аст.

Китоб имрӯз ба хонадони ҳар тоҷикистонӣ чун туҳфаи Президенти Ҷумҳурии Тоҷикистон ворид гардидааст, ки мондагортарин заҳмати фарзанди фарзонаи миллат ба халқу мамлакат мебошад.

    АКС: «Амонатбонк»

Январь 18, 2024 17:18

Хабарҳои дигари ин бахш

ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст