Дар Хатлон Озмуни онлайнии «Вассофи омӯзгор» доир мегардад
ДУШАНБЕ, 21.01.2024. /АМИТ «Ховар»/. Аз ҷониби идораи Рӯзномаи «Хатлон» ва Раёсати маорифи вилояти Хатлон озмуни онлайнии «Вассофи омӯзгор» ташкил шуд, ки барои беҳтарин қироати онлайнии шеър ва хониши адабӣ дар ситоиши омӯзгор гузаронида мешавад, хабар медиҳад АМИТ «Ховар» бо истинод ба Рӯзномаи «Хатлон».
Ҳадафи аслии баргузории озмун- муаррифӣ ва ситоиши омӯзгору мураббӣ, бузургӣ, нақш ва мақоми мондагори омӯзгор дар ташаккул ва рушди ҷомеа мебошад.
Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» мақоми омӯзгорро дар ҷомеа баланд ва махсус арзёбӣ намуданд.
Таҷассуми муҳаббати шогирд ба устод, дӯст доштан, эҳтиром намудан, арҷгузорӣ ба ранҷу заҳмат ва мақому манзалати омӯзгор аз ҷумлаи ҳадафҳои озмун мебошад.
Дар озмуни беҳтарин қироати онлайнии шеър ва хониши адабӣ дар ситоиши омӯзгор маводи видеоӣ дар ҳаҷми на бештар аз 3 дақиқа дар намуди 16:9, бо ишора ба муаллифи шеър (тарона, лавҳа) ва нишон додани ному насаби ровӣ, фаъолият ё машғулияти довталаб қабул мешаванд.
Ғолибони озмун бо Диплом ва мукофотҳои арзишманд дар арафаи Рӯзи омӯзгор қадрдонӣ мешаванд.
Довталабон метавонанд маводи видеоиашонро тариқи Ватсап (+992 900-10-84-60) ва Телеграм (+992 918-56-29-00) ирсол намоянд.
АКС: Рӯзномаи «Хатлон»
Олими ҷавони тоҷик соҳиби патентҳои Ҷумҳурии Беларус гардид
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
