Дар Шаҳринав оид ба раванди ислоҳоти кишоварзӣ ва рушди низоми агроозуқаворӣ машварат доир гардид

Январь 18, 2024 15:39

ШАҲРИНАВ, 18.01.2024 /АМИТ «Ховар»/. Бо ташаббуси Вазорати кишоварзии Ҷумҳурии Тоҷикистон дар ҳамбастагӣ бо Мақомоти иҷроияи ҳокимияти давлатии ноҳияи Шаҳринав барои роҳбарону мутахассисони хоҷагиҳои кишоварзии ноҳия дар мавзуи «Раванди ислоҳоти кишоварзӣ ва ноилшавӣ ба афзалияти миллӣ дар рушди низоми агроозуқаворӣ ва кишоварзии устувор» машварати омӯзишӣ баргузор гардид. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.

Дар машварат масъулони Вазорати кишоварзӣ, олимону мутахассисони Академияи илмҳои кишоварзӣ ва Донишгоҳи аграрии Тоҷикистон ба номи Шириншоҳ Шоҳтемур дар мавзуъҳои «Технологияи парвариши зироати сабзавотӣ ва картошкаи барвақтӣ дар заминҳои кушод ва гармхонаҳои доимӣ», «Технологияи бунёди боғу токзор ва лимӯхонаҳои замонавӣ, парвариш, башаклдарорӣ ва аҳамияти иқтисодии парвариши онҳо», «Татбиқи принсипи муборизаи маҷмуавӣ бар зидди ҳашароти зараррасон ва дигар тадбирҳои агротехникӣ ва кам намудани таъсири манфии он ба иқлим», «Технологияи муосири парвариши чорвои гӯштӣ, ширдеҳ, майдаи шохдор. Нигоҳдорӣ, истифода ва беҳдошти устувории ҳолати чарогоҳҳо»  маъруза намуданд.

Мутахассисони идораи кишоварзӣ, раисони ҷамоатҳои деҳот, хоҷагиҳои деҳқонӣ, соҳибкорони инфиродӣ ва ташкилоту идораҳои гуногуни соҳавӣ аз ин машварати омӯзишӣ дониши назариявии соҳавӣ ва  таҷрибаи амалӣ гирифтанд.

АКС: Мақомоти иҷроияи ҳокимияти давлатии ноҳияи Шаҳринав

Январь 18, 2024 15:39

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст