Дар вилояти Суғд маросими қадршиносии варзишгарон баргузор гардид
ДУШАНБЕ, 29.01.2024 /АМИТ «Ховар»/. Дар Мақомоти иҷроияи ҳокимияти давлатии вилояти Суғд чун анъанаи нек маросими қадршиносии варзишгарони вилоят ва мураббиёни онҳо барои дастовардҳо дар соли 2023 баргузор гардид, хабар доданд ба АМИТ «Ховар» дар ин мақомот.
Соли 2023 дар ҳудуди вилояти Суғд 74 иншооти варзишӣ сохта, ба истифода дода шуд. Дар шаҳру ноҳияҳои вилоят 50 мусобиқаи варзишӣ бо иштироки 6 ҳазор варзишгар, аз ҷумла 780 духтари варзишгар баргузор шуд. Варзишгарони вилоят дар мусобиқаҳои ҷумҳуриявӣ ва байналмилалӣ иштирок намуда, ба гирифтани ҷойҳои якум ва ифтихорӣ мушарраф шуданд.
Аз ҷумла, Комроншоҳи Устопириён дар Гранд при оид ба дзюдо ҷойи якум, Сайфиддин Сайфиддинзода дар Ҷоми Осиё оид ба дзюдо ҷойи сеюм, Шаҳбоз Ҳаитов, Довуд Махкамов, Меъроҷ Сӯфиҷонов, Мансурхӯҷа Мӯъминов ва Баҳромбек Ҳотамов дар Чемпионати Осиё оид ба бокс байни наврасон ва ҷавонон ҷойҳои сеюм, Дамир Отаев, Амир Обидов ва Шоҳиҷаҳон Бобоев дар Чемпионати Осиё оид ба гӯштини юнонӣ-румӣ байни наврасон мутаносибан ҷойҳои якум ва сеюм, Ҷамшед Мақсудов дар Фестивали ҷаҳонӣ оид ба гӯштини тарзи озод байни собиқадорон ҷойи якум, Бобоҷон ва Амирҷон Бобоҷоновҳо, София Мӯъминова, Гузал Салимова ва Снежана Гостева дар Чемпионати Осиё оид ба қаиқронӣ байни наврасону ҷавонон ҷойҳои сеюм, Александр ва Леонид Пронженко, Муҳаммадризо Мирзозода ва Мирсаид Мирзозода дар Чемпионати Осиё оид ба варзиши сабук дар иншооти варзишии болопӯшида ҷойҳои сеюм, Акмал Қодиров дар Чемпионати ҷаҳон оид ба дастхобонӣ байни варзишгарони имконияташон маҳдуд ҷойи якум, Одинамаҳмад Зиёев, Зафарҷон Мӯсоев, Рӯзибой Сафаров, Асрор Бойқӯзиев ва Сайфиддин Худойбердиев дар Чемпионати ҷаҳон оид ба гӯштини камарбандӣ ҷойи якум, Мирзодалер Хуршедзода дар Чемпионати ҷаҳон оид ба ушу ҷойи якумро сазовор гардиданд.
Раиси вилоят ғолибони мусобиқаҳои варзиширо барои пирӯзиву дастовардҳояшон дар соли 2023 табрик гуфта, ба онҳо маблағҳои пулӣ тақдим намуд.
Дар маросими қадршиносии варзишгарон изҳори боварӣ шуд, ки варзишгарони вилоят соли 2024 низ ба гирифтани ҷойҳои якум ва баланд бардоштани Парчами Тоҷикистон дар мусобиқоти бонуфузи ҷаҳонӣ ва минтақавӣ сазовор мегарданд.
АКС: АМИТ «Ховар»
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
