Дастаи футболи «Хатлон»-и шаҳри Бохтар ба номи аввалааш — «Вахш» тағйир дода шуд

ДУШАНБЕ, 17.01.2024 /АМИТ «Ховар»/. Бо Қарори Раиси шаҳри Бохтар номи Муассисаи давлатии Клуби футболи «Хатлон»-и шаҳри Бохтар ба Муассисаи давлатии Клуби варзишии футболи «Вахш» тағйир дода шуд. Дар ин хусус шореҳи варзиши АМИТ «Ховар» бо истинод ба ин клуби футбол хабар медиҳад.

6 сол қабл — соли 2018 зимни ислоҳоти шакли даста аз «Ташкилоти ҷамъиятӣ» ба «Муассисаи давлатӣ» номи даста аз «Вахш» ба «Хатлон»-и шаҳри Бохтар иваз шуда буд.

Хотиррасон мешавем, ки даста солҳои 60-уми асри гузашта таъсис ёфта, дар замони соҳибистиқлолӣ бо номи «Вахш» дастоварду шуҳрати зиёд дошт. Аз ҷумла:

— Финалисти Ҷоми Президенти АФК;

— 3 маротиба чемпиони Тоҷикистон (1997,2005,2009);

— Барандаи медалҳои нуқраи Чемпионати Тоҷикистон (2004);

— 4 маротиба барандаи медалҳои биринҷии Чемпионати Тоҷикистон (1992,2006,2007, 2010);

— 2 маротиба барандаи Ҷоми Тоҷикистон (1996/97, 2003);

— 2 маротиба финалисти Ҷоми Тоҷикистон (2002, 2005);

— Финалисти Суперҷоми Тоҷикистон (2010);

— Ғолиби мусобиқаи ҷумҳуриявии Ҷоми Рустам Далтабоев (2010)

Дастовардҳои даста бо номи «Хатлон»:

— Финалисти Ҷоми Тоҷикистон (2020)

— Финалисти Ҷоми Федератсияи футболи Тоҷикистон (2021)

— Ғолиби Ҷоми Лигаи футболи Тоҷикистон (2022)

Бо иваз гардидани номи даста нишонии он ҳам тағйир дода шуд.

АКС: Федератсияи футболи Тоҷикистон