Муҳсин Муҳаммадиев: «Ин барор ё тасодуф нест, балки пирӯзии арзандаи дастаи Тоҷикистон мебошад»

ДУШАНБЕ, 31.01.2024 /АМИТ «Ховар»/. «Мо мебинем, ки даста хеле хуб бозӣ менамояд. Тоҷикистон ба пеш меравад», — иброз дошт ноиби президенти дастаи «Истиқлол»-и Душанбе, собиқ футболбози «Помир», «Спартак»-и Москва ва дастаи мунтахаби Тоҷикистон Муҳсин Муҳаммадиев баъди ба даври чорякниҳоии Ҷоми Осиё баромадани дастаи мунтахаби Тоҷикистон.

Ба гуфтаи ӯ, қабл аз бозии навбатӣ (2 феврал бо дастаи Урдун баргузор мешавад) барои дастаи мунтахаби Тоҷикистон пас аз чунин бозии ҷиддӣ зуд барқарор шудан муҳим аст.

«Зеро бачаҳо бо назардошти вақти таваққуф 140 дақиқа бозӣ намуданд ва хеле неруи зиёд ба харҷ доданд», — баён дошт Муҳаммадиев.