ҶОМИ ОСИЁ-2024. Дастаи мунтахаби футзали Тоҷикистон бо дастаҳои Ҷопон, Кореяи Ҷанубӣ ва Қирғизистон бозӣ менамояд

ДУШАНБЕ, 01.01.2024 /АМИТ «Ховар»/. Дастаи мунтахаби футзали Тоҷикистон дар қисми ниҳоии Ҷоми Осиё-2024 оид ба футзал, ки аз 17 то 28 апрел дар Таиланд баргузор мешавад, бо дастаҳои Ҷопон, Кореяи Ҷанубӣ ва Қирғизистон бозӣ менамояд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад. 

Пас аз анҷоми даври гурӯҳӣ ду дастаи беҳтарин аз ҳар гурӯҳ муборизаро барои медалҳо идома дода, ҷуфтҳои даври чорякниҳоиро ташкил медиҳанд. Дар натиҷаи ба даври чаҳорякниҳоӣ роҳ ёфтан дастаи мунтахаби Тоҷикистон бо яке аз дастаҳои гурӯҳи «D» – Эрон, Кувайт, Баҳрайн ё Афғонистон бозӣ менамояд.

Бар асоси натиҷаҳои Ҷоми Осиё-2024 панҷ дастаи беҳтарин, ба истиснои дастаи миллии Узбекистон ба Ҷоми ҷаҳон-2024, ки аз 14 сентябр то 6 октябр дар се шаҳри Узбекистон – Тошканд ва Андиҷон ва Бухор доир мегардад, роҳ меёбанд.

АКС: Федератсияи футболи Тоҷикистон