«ШАҲРИ МАН – ХОНАИ МАН». Дар доираи ин иқдом аъзо ва ҷонибдорони Ҳизби Халқии Демократии Тоҷикистон дар Душанбе 2 000 арча шинониданд
ДУШАНБЕ, 27.01.2024 /АМИТ «Ховар»/. Имрӯз аъзо ва ҷонибдорони Ҳизби Халқии Демократии Тоҷикистон дар шаҳри Душанбе ва ноҳияҳои он бо ҷалби аъзои фаъоли Ташкилоти ҷамъиятии ҷавонон «Созандагони Ватан» ва кумитаю ташкилоти ибтидоии ҳизбӣ дар Боғи фарҳангӣ-фароғатии ба номи Абулқосим Фирдавсии ноҳияи Фирдавсӣ, оромгоҳи «Лучоб»-и ноҳияи Сино, маҳаллаи «Сариосиё»-и ноҳияи Исмоили Сомонӣ ва маҳаллаи «Бедил»-и ноҳияи Шоҳмансур беш аз 2000 арчаи ҳамешасабз шинониданд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе хабар доданд.
Дар баробари шинонидани арча ва дарахтони ҳамешасабз ҳизбиёни пойтахт атрофи шаҳраку маҳалла ва ҳудуди майдончаҳои варзиширо аз ҳар гуна партов ва хазонбаргҳо тоза намуданд.
Ҳамзамон онҳо бо истифода аз фурсати муносиб атрофи дарахтонро нарм намуда, гулҳои ороишӣ шинониданд.
Бояд гуфт, ки чунин ҳашарҳо аз ҷониби аъзои кумитаю ташкилоти ибтидоии ҳизбӣ дар назди вазорату идораҳо ва сохторҳои давлатӣ низ гузаронида шуданд.
Мақсад аз ин гуна иқдоми ҳизбиён — пайравӣ ба ҳидоятҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ва муроҷиатномаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷиҳати ба «Шаҳри гулрез» табдил додани шаҳри Душанбе ва тозаву озода намудани кӯчаву маҳаллаҳо, ободу зебо ва озода гардонидани пойтахт мебошад.
«Тозагиву ободонӣ рисолати мардуми сарбаланди мо буда, дар гузашта он яке аз рукнҳои муҳими анъанаҳои миллии мо маҳсуб мешуд ва дар замири кӯдакону наврасон ҳисси зебоипарастиро талқину ташвиқ менамуд. Истифодаи дуруст ва самараноки майдончаҳои варзишӣ низ ғамхорӣ ба ояндаи кӯдакону наврасон ва тарғиби тарзи ҳаёти солим мебошад», — тазаккур доданд дар Кумитаи иҷроияи Ҳизби Халқии Демократии Тоҷикистон дар шаҳри Душанбе.
Ёдовар мешавем, ки ин иқдом дар ҳошияи ҳашари тозаву озодагардонӣ ва сарсабзу хуррамгардонии умумишаҳрии ҳизбиёни пойтахт таҳти шиори «Шаҳри ман – хонаи ман» то ҷашни 30-солагии таъсиси Ҳизби Халқии Демократии Тоҷикистон идома меёбанд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
ДАРАХТ БИНШОН! Дар ноҳияи Синои пойтахт беш аз 500 бех ниҳоли санавбар шинонида шуд
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Дар мавсими ниҳолшинонии имсола дар 100 гектар павлония шинонида мешавад
ДАРАХТ БИНШОН! Дар хоҷагии ҷангали ноҳияи Данғара зиёда аз 10 ҳазор бех ниҳоли ҳамешасабз ва сояафкан шинонида шуд
35-СОЛАГИИ ИСТИҚЛОЛИ ДАВЛАТӢ. Дар шаҳраки Адрасмон корҳои созандагиву ободонӣ вусъат меёбанд
Дар ноҳияи Шаҳристон майдони дарахти себ зиёд карда мешавад
ДАРАХТ БИНШОН! Фонди хайриявии «Музаффар» беш аз 21 ҳазор бех ниҳоли дарахтони ҳамешасабзу ороишӣ мешинонад
ДАРАХТ БИНШОН! Дар ҳудуди шоҳроҳи Душанбе-Норак-Кӯлоб 200 бех ниҳоли ороишию сояафкан шинонида шуд
ДАРАХТ БИНШОН! Дарахтони сӯзанбарг аҳамияти иқтисодӣ ва шифобахшӣ доранд
ДУШАНБЕ — ШАҲРИ САБЗ. Маорифчиёни ноҳияи Шоҳмансур дар ҳудуди «Боғи Ғалаба» зиёда аз 1000 бех ниҳол шинониданд
«САРСАБЗИИ ВАТАН МАРОМИ МОСТ». Дар ноҳияи Варзоб ҳашари ниҳолшинонӣ доир гардид
БАРНОМАИ ДАВЛАТИИ КАБУДИЗОРКУНӢ. Соли 2026 дар Хатлон 600 ҳазор бех ниҳол шинонида мешавад
ДАРАХТ БИНШОН! Дар ноҳияи Зафаробод 20 ҳазор бех ниҳолҳои ҳамешасабзу ороишӣ ва сояафкан шинонида мешаванд
