Тоҷикистон СММ ва дигар давлатҳои аъзоро барои ҳамкорӣ дар чаҳорчӯби раванди Душанбе оид ба мубориза бо терроризм даъват намуд
ДУШАНБЕ, 24.01.2024 /АМИТ «Ховар»/. Дар қароргоҳи Созмони Милали Муттаҳид (СММ) «Брифинги сатҳи баланд оид ба барнома ва лоиҳаҳои Дафтари зиддитеррористии СММ (UNOCT) дар Осиёи Марказӣ – дастовардҳо ва қадамҳои минбаъда» баргузор гардид, ки дар он Намояндаи доимии Тоҷикистон дар СММ Ҷонибек Ҳикмат иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Чорабинии мазкур аз ҷониби Дафтари Созмони Милали Муттаҳид оид ба мубориза бо терроризм, Раёсати Кумитаи зиддитеррористии Шурои Амнияти СММ ва Маркази минтақавии СММ оид ба дипломатияи боздоранда барои Осиёи Марказӣ бо мақсади баррасии таҳдидҳои кунунӣ ва пайдошаванда дар самти мубориза бо терроризм дар Осиёи Марказӣ ва муаррифии дастовардҳои асосии давлатҳои Осиёи Марказӣ дар ин самт танзим гардид.
Намояндаи доимии Тоҷикистон дар СММ Ҷонибек Ҳикмат аҳаммияти татбиқи саривақтии лоиҳаҳои минтақавӣ ва миллӣ оид ба мубориза бо терроризм ва ифротгароиро иброз намуд.
Ҷонибек Ҳикмат ҳамчунин Созмони Милали Муттаҳид ва дигар давлатҳои аъзоро барои ҳамкорӣ ва дастгирӣ дар чаҳорчӯби раванди Душанбе оид ба мубориза бо терроризм ва маблағгузории он даъват намуд.
АКС: Вазорати корҳои хориҷии Ҷумҳурии Тоҷикистон
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
Ташаббуси навбатии ҷаҳонии Тоҷикистон дар чаҳорчӯби ИДМ муаррифӣ карда шуд
Ҳамкории Тоҷикистон бо Дафтари Комиссари олии Созмони Милали Муттаҳид оид ба паноҳандагон баррасӣ шуд
Тавсеаи ҳамкорӣ байни Тоҷикистон ва Эрон баррасӣ гардид
