35-СОЛАГИИ ИСТИҚЛОЛИ ДАВЛАТӢ. Дар ноҳияи Ховалинг бинои нави беморхонаи марказӣ бунёд мешавад
ДУШАНБЕ, 06.02.2024 /АМИТ «Ховар»/. Дар доираи омодагӣ ба ҷашни 35-солагии Истиқлоли давлатии Ҷумҳурии Тоҷикистон дар ноҳияи Ховалинг дар доираи лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлони Ҷумҳурии Тоҷикистон» аз ҷониби Бонки исломии рушд сохтмони бинои нави Беморхонаи марказии ноҳияи Ховалинг оғоз гардид.
Тавре ба АМИТ «Ховар» сардухтури Беморхонаи марказии ноҳияи Ховалинг Раҳматулло Рабиев иттилоъ дод, беморхона бо шароити наву замонавӣ сохта шуда, ба тамоми талаботи стандартӣ ҷавобгӯ мебошад. Бино аз се ошёна ва ду тарафи он аз ду ошёна ва таҳхона иборат буда, барои 80 кат пешбинӣ шудааст. Ҳамчунин барои баромадан ба ошёнаи дуюму сеюм дар он лифт насб мегардад.
Фармоишгари иншоот Вазорати тандурустӣ ва ҳифзи иҷтимоии аҳолии Ҷумҳурии Тоҷикистон буда, он аз ҷониби Бонки исломии рушд дар шафати бинои кӯҳнаи беморхонаи марказӣ бо харҷи 3,5 миллион доллар бунёд мегардад. Паймонкори сохтмон Ҷамъияти дорои масъулияти маҳдуди «Строй Центр» мебошад. Барои хариди таҷҳизоти дохили беморхона 650 ҳазор доллар ҷудо гардидааст.
Гуфта шуд, ки корҳои сохтмонӣ дар ин иншоот моҳи августи соли 2022 оғоз гардида, дар он 120 сокини маҳаллӣ ба кори доимӣ ҷалб гардидаанд. Аллакай 70 фоизи корҳо ба анҷом расида, дар назар аст, ки моҳҳои март ва апрели соли 2024 бино ба истифода дода шавад.
«Дар сурати пурра ба анҷом расидани корҳои сохтмонӣ 4 шуъбаи Беморхонаи марказии ноҳияи Ховалинг ба бинои нав кӯчонида мешавад», — гуфт сардухтури беморхона Раҳматулло Рабиев.
АКС: АМИТ «Ховар»
Дар ноҳияи Деваштич мумфаршкунии беш аз 3 километр роҳ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб Маркази техникии Федератсияи футболи Тоҷикистонро мавриди истифода қарор доданд
Сарвари давлат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб барои бунёди корхонаи дигари истеҳсоли семент асос гузоштанд
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб ба корҳои сохтмон дар корхонаи истеҳсоли семент оғоз бахшиданд
Дар Душанбе бахшида ба 35-солагии Истиқлоли давлатӣ ва Ваҳдати миллӣ ҳамоиш баргузор гардид
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
