Ҳамкории Тоҷикистон ва Фаронса доир ба пешгирӣ ва бартарафсозии пайомадҳои ҳолатҳои фавқулода таҳким меёбад
ДУШАНБЕ, 05.02.2024 /АМИТ «Ховар»/. Дар шаҳри Душанбе мулоқоти Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода бо Сафири Фақулода ва Мухтори тозатаъйини Ҷумҳурии Фаронса Элза Пинёл баргузор шуд. Дар ин хусус АМИТ «Ховар» бо истинод ба ин кумита хабар медиҳад.
Дар ҷараёни мулоқот ба меҳмон оид ба ҳолатҳои фавқулодаи хоси минтақа ва Тоҷикистон, корҳои анҷомёфта дар самти коҳиши хатари офатҳо, ҳамчунин ҳамкории байналмилалӣ дар ин самт маълумот дода шуд. Ҳамзамон оид ба рушди минбаъдаи ҳамкорӣ дар самти пешгирӣ ва бартарафсозии пайомадҳои ҳолатҳои фавқулода, ҳамчунин ҳамкории кумита бо Фаронса дар ин самт ибрози назар шуд.
Иброз гардид, ки робита байни Тоҷикистон ва Фаронса дар ин самт хеле муҳим аст ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба ин масъала диққати ҷиддӣ медиҳад.
Сафири Фақулода ва Мухтори тозатаъйини Ҷумҳурии Фаронса иброз дошт, ки кӯшиш ба харҷ медиҳад, то ҳамкорӣ байни ду давлат дар самти пешгирӣ ва бартарафсозии пайомадҳои ҳолатҳои фавқулода минбаъд рушд ва таҳким ёбад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
