Ҷавонони Тоҷикистон барои иштирок дар Фестивали ҷаҳонии ҷавонон ба шаҳри Сочи мераванд
ДУШАНБЕ, 27.02.2024. /АМИТ «Ховар»/. Ҳайати Ҷумҳурии Тоҷикистон иборат аз 275 нафар аз ҳисоби кормандони ҷавони вазорату идораҳо, мақомоти иҷроияи ҳокимияти давлатии шаҳру ноҳияҳо, муассисаҳои таҳсилоти олии касбӣ ва дигар сохторҳои давлатию ҷамъиятӣ ҷиҳати иштирок дар Фестивали ҷаҳонии ҷавонон ба шаҳри Сочии Федератсияи Русия ҷалб гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода бо ин ҳайат вохӯрӣ намуд.
Иштирокчиёни Фестивали ҷаҳонии ҷавонон мутахассисони соҳаҳои муносибатҳои байналмилалӣ, соҳибкорӣ, илму фарҳанг, варзиш, кормандони вазорату идораҳо, мақомоти маҳаллӣ, воситаҳои ахбори омма, волонтёрон ва намояндагони дигар бахшҳои фаъолияти ҷамъиятии аз 18 то 35-сола мебошанд.
Иттилоъ дода шуд, ки аз ҳайати Ҷумҳурии Тоҷикистон 230 нафар аз 1 то 7 марти соли 2024 дар чорабиниҳои асосии фестивал иштирок намуда, ба Ватан бармегарданд.
Беш аз 40 нафари дигар аз 7 то 18 март дар марҳилаи минтақавии Фестивали ҷаҳонии ҷавонон иштирок менамоянд. Дар доираи он ба шаҳру ноҳияҳои Федератсияи Русия сафар намуда, бо таърих, фарҳанг ва анъанаҳои мардуми рус шинос мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Форуми илмии байналмилалии «Илмҳои геологии Осиёи Марказӣ – 2026» доир гардид
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
