Бар асари садамаи оммавии нақлиётӣ дар Миср 15 нафар ҳалок ва 7 кас маҷруҳ гардиданд

ДУШАНБЕ, 15.02.2024 /АМИТ «Ховар»/. Рӯзи сешанбе дар натиҷаи садамаи нақлиётии оммавӣ дар роҳи биёбонии «Қоҳира — Искандария» дар наздикии шаҳри Амрея, воқеъ дар шимоли пойтахти Миср 15 нафар ҳалок ва ҳафт тани дигар захмӣ шуданд. Тавре АМИТ «Ховар» бо истинод ба «Синхуа» иттилоъ медиҳад, дар ин хусус агентии давлатии MENA хабар додааст.

Неруҳои амниятӣ ва мошини ёрии таъҷилӣ фавран ба ҷои ҳодиса расиданд. Маҷруҳшудагон ба беморхона интиқол ёфтанд, иттилоъ медиҳад MENA бо истинод ба мақомоти маҳаллӣ.

Кормандони полиси роҳ барои барқарор намудани ҳаракати нақлиёт фаъолият мебаранд. Тафтиши сабабҳои ҳодиса бурда мешавад.

Дар Миср аз сабаби баланд намудани суръат, сифати пасти роҳҳо ва риоя накардани қоидаҳои ҳаракат дар роҳ ҳамасола ҳазорон нафар ба ҳалокат мерасанд.

АКС аз манбаъҳои боз