БОКС. Дар Душанбе «Шоми чемпионҳои IBA» баргузор мешавад
ДУШАНБЕ, 16.02.2024 /АМИТ «Ховар»/. Имрӯз, 16 феврал дар Қасри теннис ва маҷмааи варзиши обии Душанбе таҳти унвони «Шоми чемпионҳои Ассотсиатсияи байналмилалии бокс (IBA)» мусобиқаи бокси касбӣ баргузор мешавад. Дар ин хусус АМИТ «Ховар» бо истинод ба Федератсияи бокси Тоҷикистон хабар медиҳад.
Рақобати асосӣ байни намояндаи Русия Шарофутдин Атаев бо Алфонсо Домингес аз Озарбойҷон барои камарбанди Ассотсиатсияи байналмилалии бокс (IBA) дар вазни -86 кг доир мегардад. Дар ин рақобат ба ғолиб 350 ҳазор доллар ва ба мағлуб 150 ҳазор доллар мукофотпулӣ тақдим мешавад.
Муҳорибаҳои дигари шоми бокс байни муштзани тоҷик Шавкатҷон Раҳимов бо Эдуардо Нунеси мексикоӣ барои дарёфти унвони чемпионӣ аз рӯи версияи Федератсияи байналмилалии бокс (IBF) дар вазни 58,9 кг ва байни муштзани тоҷик Баҳодур Усмонов ва Лал Чу-Эн аз Тайван дар вазни 63,5 кг барои дарёфти унвони чемпиони Осиё доир мегарданд.
15 феврал дар Душанбе маросими вазнкашӣ ва рӯбарӯшавии боксёрон бо ҳарифонашон баргузор гардид. Дар ин маросим боксёри машҳур Рой Ҷонс иштирок намуд.
АКС: АМИТ «Ховар»
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
