Дар Донишкадаи давлатии санъати тасвирӣ ва дизайни Тоҷикистон 10 нафар донишҷўёни хориҷӣ таҳсил менамоянд

Февраль 13, 2024 14:45

ДУШАНБЕ, 13.02.2024 /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон шумораи донишҷўёни хориҷӣ дар соли 2023 ба 10 нафар мерасад, ки онҳо асосан шаҳрвандони ҷумҳуриҳои Узбекистон, Қирғизистон ва Афғонистон мебошанд. Дар ин хусус Ректори Донишкада Ҷамшед Ғанизода ба хабарнигорон иттилоъ дод.

Ректор иброз дошт, ки  аксарияти донишҷӯёни хориҷӣ дар хобгоҳи Донишкада зиндагӣ мекунанд ва барои  онҳо беҳтарин шароити зист ва таҳсил муҳайё шудааст.

Ҳамзамон гуфта шуд, ки бо мақсади рушди соҳаи санъати тасвирӣ ва дизайн, раёсати Донишкада дар давраи фаъолияти худ аз соли 2013 то инҷониб бо 16 муассисаҳои таҳсилоти олии касбии хориҷӣ, инчунин бо зиёда аз 50 ташкилоти дохилӣ бо мақсади гузаронидани таҷрибаомӯзӣ, такмили ихтисос ва таъмин бо ҷои кор равобити ҳамкорӣ дорад.

Соли гузашта  масъулини самти робитаҳои байналмилалии Донишкада дар наздик ба 10 чорабинӣ, фестивал, форумҳо ва вохӯриҳои сатҳи байналмилалӣ иштирок намуда, дар ин давра бо 5 муассисаи таҳсилоти олии касбии Федератсияи Русия, Узбекистон ва Қазоқистон созишномаи ҳамкорӣ дар соҳаҳои маориф, фарҳанг, санъати тасвирӣ, сафарбарии академӣ, мубодилаи донишҷуён, ташкили таҷрибаомӯзиҳо ва такмили ихтисоси кормандону омӯзгорон ба имзо расонидаанд.

Дар айни замон дар Донишкада 1365 нафар, аз ҷумла дар факултети санъати тасвирӣ  312 нафар (23%), дар факултети дизайн 494 нафар (36%), факултети тайёрӣ ва таҳсилоти фосилавӣ 496 нафар (36%) ва бахши магистратура, аспирантура ва докторантура 63 нафар (5%) таҳсил намуда истодаанд.

Ҳамзамон дар Донишкадаи давлатии санъати тасвирӣ ва дизайни Тоҷикистон ба донишҷуён беҳтарин рассомон, аз ҷумла Арбобони ҳунари Тоҷикистон, профессорону дотсентҳо бо истифода аз методу усулҳои муосири таълим дарс мегўянд. Ҳамаи синфхонаҳо дорои шароиту имкониятҳои муосири таълим буда, бо таҷҳизоти пешрафта таъмин мебошанд.

София ШОИК,
АМИТ «Ховар»

АКС: АМИТ «Ховар»

Февраль 13, 2024 14:45

Хабарҳои дигари ин бахш

«БАРНОМАИ РУШДИ ЗАБОНИ ДАВЛАТӢ БАРОИ СОЛҲОИ 2020-2030». Давоми чор соли фаъолияти он кадом натиҷаҳо ба даст омаданд ва чӣ мушкилот дар ин самт мавҷуд аст?
Раиси ҳукумати мардумии шаҳри Чэндуи Чин дар Осорхонаи миллӣ бо таъриху тамаддуни тоҷикон шинос гардид
Бахшида ба Рӯзи байналмилалии ҳифзи кӯдакон таҳти унвони «Пайравони Пешвои миллатем» ҳамоиш доир гардид
Нашриёти «Ирфон» се шоҳасари барҷаста: «Гулчини ғазалиёт» ва «Ҷоми ҷон»-и Ҷалолуддини Балхӣ ва «Тоҷикон»-и Бобоҷон Ғафуровро бо се забон ба нашр расонид
«ТОҶИКИСТОН-ВАТАНИ АЗИЗИ МАН». Дар даври дуюми озмуни ҷумҳуриявӣ 2755 довталаб иштирок мекунад
Намояндагони Департаменти бехатарии ҷамъиятии шаҳри Шанхайи Чин бо Осорхонаи таърихӣ-кишваршиносии вилояти Хатлон шинос гардиданд
Суратгузориш аз баргузории Рӯзҳои фарҳанги Ҷумҳурии Тоҷикистон дар Ҷумҳурии Озарбойҷон
«МАСЪАЛАҲОИ ФАРҲАНГИ МУОСИРИ БАДЕИИ ТОҶИК». Таҳти чунин унвон ба бузургдошти хотираи санъатшиноси тоҷик Саъдулло Раҳимов ҳамоиш доир шуд
Экспедитсияи бостоншиносӣ-геологӣ доир ба омӯзиши бошишгоҳҳои асри санги ноҳияи Ховалинг шуруъ гардид
Рӯзҳои синамои Тоҷикистон дар Озарбойҷон доир шуд
Рӯзҳои фарҳанги Тоҷикистон дар Озарбойҷон бо шаҳомати хосса баргузор гардид
Дар Озарбойҷон Рӯзҳои синамои Тоҷикистон доир гардид