Дар шаҳри Абузабӣ аз ташаббусҳои Президенти Тоҷикистон дар соҳаи обу иқлим ёдовар шуданд
ДУШАНБЕ, 29.02.2024 /АМИТ «Ховар»/ . 26 феврал дар шаҳри Абузабӣ нахустин Конфронси муштараки илмию амалии Маркази пажуҳиш ва мушовара (TRENDS) ва Институти байналмилалӣ оид ба дипломатияи фарҳангӣ (IICD) дар мавзуи «Дипломатияи муосир дар даврони ҷаҳонишавӣ: дурнамо ва пайомадҳои нави ҳамкорӣ байни Амороти Муттаҳидаи Арабӣ ва давлатҳои Осиёи Марказӣ» баргузор гардид, ки дар он Сафири Фавқулода ва Мухтори Ҷумҳурии Тоҷикистон дар Амороти Муттаҳидаи Арабӣ Баҳодур Шарифӣ иштирок ва суханронӣ намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Баҳодур Шарифӣ дар мавзуи «Нақши дипломатия дар ҷаҳони бо ҳам алоқаманд ва рақобатпазир: чолишҳо ва имконият» маъруза намуда, таваҷҷуҳи ҳозиринро ба ҳолат ва дурнамои ҳамкории дуҷониба ва бисёрҷониба байни Ҷумҳурии Тоҷикистон ва Амороти Муттаҳидаи Арабӣ, инчунин ташаббусҳои сатҳи миллӣ, минтақавӣ ва байналмилалии Ҷумҳурии Тоҷикистон дар пешбурди масъалаҳои марбут ба обу иқлим ва сулҳу амният ҷалб намуд.
Ҳамчунин Сафир дар ҳамоиши роҳбарони намояндагиҳои дипломатӣ иштирок намуда, аҳамияти истифодаи имконоти фаровони сармоягузорӣ ва фазои мусоиди соҳибкорӣ дар Тоҷикистон, хусусан дар бахшҳои гидроэнергетика, энергияи барқароршаванда, кишоварзӣ, саноати маъдани кӯҳӣ, нақлиёт, сайёҳӣ ва илму фарҳангро ҳамчун равиши муносиб баҳри тақвияти бештари ҳамкории мутақобила таъкид намуд.
АКС: Вазорати корҳои хориҷии Ҷумҳурии Тоҷикистон
Мавзеи сайёҳии «Арху» ба макони писандидаи сайёҳон табдил ёфтааст
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Ҳадафи ташаббусҳои ҷаҳониии Президенти Тоҷикистон рафъи норасоии об дар саросари дунё ва пешгирии хатарҳои камобӣ мебошад
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Имрӯз дар Сафеддара «Eco-Run For Glacier» доир мешавад
