Дастаи мунтахаби Қатар тими миллии Урдунро мағлуб намуда, ғолиби Ҷоми Осиё-2023 оид ба футбол гардид

ДУШАНБЕ, 10.02.2024 /АМИТ «Ховар»/. Дастаи мунтахаби Қатар оид ба футбол тими миллии Урдунро мағлуб намуда, ғолиби Ҷоми Осиё-2023 гардид, хабар медиҳад АМИТ «Ховар».  

Бозӣ байни дастаҳои мунтахаби Урдун ва Қатар имрӯз дар Варзишгоҳи миллии шаҳри Лусаил баргузор гардида, бо ҳисобӣ 1:3 ба анҷом расид.

Ёдовар мешавем, ки аз рӯи натиҷагирии Ҷоми Осиё-2023 дастаи мунтахаби Тоҷикистон ба ҳаштгонаи беҳтарин дастаҳои мусобиқот шомил гардид.

Қобили тазаккур аст, ки дастаи мунтахаби Тоҷикистон бори аввал дар таърих дар қисми ниҳоии Ҷоми Осиё иштирок намуд ва ба даври чорякниҳоии мусобиқот роҳ ёфта, дар таърихи футболи тоҷик  саҳифаҳои наву шоистаи таҳсин боз намуд.

АКС аз манбаъҳои боз