Мутахассисони Кумитаи ҳолатҳои фавқулода ва мудофиаи граждании Тоҷикистон ба бозомӯзӣ фаро гирифта шуданд
ДУШАНБЕ, 08.02.2024 /АМИТ «Ховар»/. Соли 2023 17 афсар ва курсант дар мактабҳои олии дохил ва хориҷи Тоҷикистон ба таҳсил фаро гирифта шуда, ҳамчунин 10 хизматчии ҳарбие, ки машғули таҳсил буданд, баъд аз хатми муассисаи касбии олӣ ба Кумита барои идомаи хизмати ҳарбӣ баргаштанд. Дар ин хусус Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода 7 феврал зимни нишасти матбуотӣ хабар дод.
Тазаккур дода шуд, ки бо мақсади омода намудан ва бозомӯзии кадрҳо, ҳамчунин баланд бардоштани тахассуси онҳо соли 2023 259 хизматчии ҳарбии Кумита дар 84 конфронс, даврҳои омӯзишӣ ва тамринҳо иштирок намуданд.
Иттилоъ дода шуд, ки бо мақсади татбиқи сиёсати давлатӣ дар самти ҳолатҳои фавқулода ва мудофиаи гражданӣ Кумита соли 2024 амалӣ намудани якчанд вазифа, аз ҷумла таҳкими интизоми ҳарбӣ, омодагиҳои ҳарбӣ ва баланд бардоштани касбияти ҳайати шахсии Кумита, Маркази тайёр намудани ғаввосон ва кинологҳо дар ноҳияи Шаҳринав, идомаи сохтмони Маркази омодасозии наҷотдиҳандагон дар ин ноҳия, бинои Хадамоти ҳарбикунонидаи наҷотдиҳӣ-кӯҳӣ ва шуъбаи Кумита дар шаҳри Роғун, сари вақт ба истифода додани Маркази қабули паноҳандагон ва зарардидагони офатҳои табиӣ дар ноҳияи Ҷалолуддини Балхӣ, сохтани марказҳои идораи ҳолатҳои буҳронӣ аз ҳисоби сармоягузории шарикони байналмилалӣ ва буҷаи давлатиро амалӣ менамояд.
Инчунин татбиқи қарори Ҳукумати Ҷумҳурии Тоҷикистон дар бораи «Барномаи миёнамуҳлати давлатӣ оид ба ҳифзи аҳолӣ ва ҳудуд аз ҳолатҳои фавқулода барои солҳои 2023 -2028» дар нақша аст.
София ШОИК,
АМИТ «Ховар»
АКС: АМИТ «Ховар»
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
