НИШАСТИ МАТБУОТӢ. Дар ҳудуди Тоҷикистон 224 ширкати сайёҳӣ фаъолият дорад
ДУШАНБЕ, 13.02.2024. /АМИТ «Ховар»/. Ба ҳолати 1 январи соли 2024, дар ҳудуди Тоҷикистон 224 ширкати сайёҳӣ фаъолият менамояд. Аз ин шумора 106 ширкат дар шаҳри Душанбе, 15 ширкат дар шаҳру ноҳияҳои тобеи ҷумҳурӣ, 45 ширкат дар вилояти Суғд, 17 ширкат дар вилояти Хатлон ва 41 ширкат дар Вилояти Мухтори Кўҳистони Бадахшон дар соҳаи сайёҳӣ кор мебаранд. Дар ин хусус зимни нишасти матбуотии Кумитаи рушди сайёҳии назди Ҳукумати Ҷумҳурии Тоҷикистон оид ба ҷамъбасти фаъолият дар соли 2023, ки 12 феврали соли равон баргузор шуд, хабар доданд.
Дар нишаст ҳамчунин иттилоъ дода шуд, ки дар айни замон дар Тоҷикистон 306 субъекти хизматрасонии сайёҳӣ, аз ҷумла 190 меҳмонхона, 34 хостел (меҳмонхонаи хурд) ва мотел (меҳмонхонаи хурди сарироҳӣ), 52 осоишгоҳ, 5 осоишгоҳи кӯдакона ва истироҳатгоҳи солимгардонӣ, 8 маркази муолиҷавӣ ва дармонгоҳи солимгардонӣ, 10 хонаи истироҳатӣ, 3 кемпинг (бошгоҳи тобистона барои сайёҳон) , 4 базаи сайёҳӣ ва истироҳатӣ ба сайёҳони дохилию хориҷӣ хизмат мерасонанд.
«Дар шаҳри Душанбе 36 меҳмонхона, 9 хостел, мотел ва дигар намуди меҳмонхона бо иқтидори 1925 ҳуҷра ва 3720 катҳои хоб ба меҳмонони дохиливу хориҷӣ хизматрасонӣ намуда истодаанд»,-гуфта шуд дар нишаст.
АКС: Кумитаи рушди сайёҳии назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
Ширкатҳои сайёҳии Тоҷикистон дар Намоишгоҳи байналмилалии «Bishkek International Tourism Fair 2026» иштирок намуданд
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
