НИШАСТИ МАТБУОТӢ. Шумораи аҳолӣ дар Тоҷикистон ба 10 миллиону 277 ҳазор нафар расид
ДУШАНБЕ, 14.02.2024 /АМИТ «Ховар»/. Ба ҳолати январи соли 2024 шумораи аҳолӣ дар Ҷумҳурии Тоҷикистон ба 10 млн 277 ҳазор нафар расида, дар давраи ҳисоботӣ 230 ҳазор ҷойи кори нави доимӣ ва мавсимӣ таъсис дода шуд. Дар ин хусус имрӯз зимни нишасти матбуотӣ Директори Агентии омори назди Президенти Ҷумҳурии Тоҷикистон Ҷамшед Нурмуҳаммадзода иттилоъ дод.
Иброз гардид, ки аз аввали соли 2023 индекси нархҳои истеъмолӣ 103,8 фоизро ташкил дода, нархи молҳои ғайриозуқа 6,6 фоиз қимат шудааст. Асосан аз ҳисоби болоравии нархи бензин 24,4 фоиз, маснуоти доруворӣ 13,2 фоиз, масолеҳи сохтмонӣ 5,5 фоиз ва пойафзол 3,1 фоиз сабт шудааст.
Ба гуфтаи Ҷамшед Нурмуҳаммадзода, музди ақалл 600 сомониро ташкил дода, ин шумора баъд аз моҳи июл, яъне болоравии маош то 40 фоиз 800 сомониро ташкил медиҳад.
Иттилоъ дода шуд, ки дараҷаи музди ҳақиқии меҳнат бо назардошти тағйироти индекси нархҳо моҳи ноябри соли 2023 нисбат ба моҳи октябри соли 2023 2,2 фоиз зиёд ва нисбат ба моҳи ноябри соли 2022 7,2 фисад зиёд шудааст.
Ҳамзамон изҳор шуд, ки ҳаҷми хизматрасонии пулакӣ, ки моҳҳои январ-декабри соли 2023 дар ҳамаи соҳаҳои хизматгузор расонида шудааст, 21 млрд 760,3 млн сомониро ташкил додааст. Ин нисбат ба ҳамин давраи соли 2022 бо нархҳои муқоисавӣ 14,1 фоиз зиёд аст.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар канори роҳи Душанбе–Чанок корҳои соҳилмустаҳкамкунӣ идома доранд
Оид ба нақши занон дар низоми адолати судӣ конфронси байналмилалӣ баргузор шуд
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
