НИШАСТИ МАТБУОТӢ. Соли 2023 беш аз 10 000 ҳолати вайронкунии қонунгузории замин дар маҳал бартараф шуд
ДУШАНБЕ, 08.02.2024 /АМИТ «Ховар»/. Самти асосии фаъолияти Кумитаи давлатии идораи замин ва геодезии Ҷумҳурии Тоҷикистон назорати истифодаи мақсадноки замин буда, соли 2023 13 ҳазору 447 ҳолати вайронкунии қонунгузории замин ошкор гардид. Барои бартараф намудани қонунвайронкуниҳои ошкоршуда 11 ҳазору 389 қарор қабул гардида, дар натиҷаи амалӣ шудани чораҳои мушаххас 10080 ё 75 фоизи ҳолати қонунвайронкунӣ бартараф шуда, 901 мавод барои додани баҳои ҳуқуқӣ ба прокуратура ирсол гардид. Дар ин хусус имрӯз зимни нишасти матбуотӣ Раиси Кумитаи давлатии идораи замин ва геодезӣ Ориф Хоҷазода иттилоъ дод.
Номбурда дар масъалаи даст ба ҷиноят задани кормандон иброз дошт, ки тибқи маълумоти Агентии назорати давлатии молиявӣ ва мубориза бо коррупсияи ҷумҳурӣ соли 2023 нисбат ба 87 нафар, аз ҷумла 6 хизматчии давлатӣ барои содир намудани беш аз 170 ҷиноят парвандаи ҷиноятӣ кушода шуд, ки қариб ҳамаи онҳо аз вазифаи ишғолнамудаашон озод гардиданд. Аз ҷиноятҳои соли 2023 ошкоршуда 38 адади он соли 2023, 21 адад соли 2022, 10 адад соли 2021, 16 адад соли 2020 ва 88 адад аз соли 2007 то 2019 содир шудаанд.
«Кумитаи давлатии идораи замин ва геодезӣ якҷоя бо мақомоти ҳифзи ҳуқуқ ҷиҳати пешгирӣ намудани ҷиноятсодиркунӣ корҳои муайянро ба сомон мерасонад. Давоми солҳои 2020-2023 127 корманди Корхонаи воҳиди давлатии «Бақайдгирии молу мулки ғайриманқул», аз ҷумла 6 директор, 9 муовини директор, 10 бақайдгиранда ва 102 мутахассис, инчунин 15 раиси кумитаи идораи замин, 11 муовини раис ва 23 сармутахассису мутахассис аз вазифаи ишғолнамуда озод гардиданд»,-илова кард Ориф Хоҷазода.
Мавсуф афзуд, ки ҳарчанд дар ин самти фаъолият тадбирҳои зарурӣ андешида шуданд ва роҳбарияти Кумитаи давлатӣ мунтазам масъалаи пешгирии даст ба ҷиноят задани кормандонро дар ҷаласаҳои машваратӣ ва ҳайати мушовара мавриди баррасӣ қарор медиҳад, вале далелҳои даст ба ҷиноят задани кормандон то ҳанӯз мавҷуд мебошанд. Барои ислоҳи камбудиҳои ҷойдошта корбарӣ дар ҳамкорӣ бо мақомоти дахлдори давлатӣ минбаъд низ идома меёбад.
Раъно НУСРАТУЛЛО,
АМИТ «Ховар»
АКС: АМИТ «Ховар»
АЗ ИСТИҚЛОЛ ТО РУШДИ УСТУВОР. Андешаҳо дар мавриди 35 соли пурифтихори Истиқлолияти давлатӣ
ҲИЗБЕ, КИ ДАР ДАВРАИ ИСТИҚЛОЛ БАРОИ ЗИНДАГИИ ШОИСТАИ МАРДУМ ТАЛОШ НАМУД. Эҳдо ба 35-солагии Истиқлоли давлатӣ
ИСТИҚЛОЛИ ДАВЛАТӢ: АЗ ИМТИҲОНИ ТАЪРИХ ТО УФУҚҲОИ РУШДИ МИЛЛӢ. Андешаҳои академик Фарҳод Раҳимӣ дар ин маврид
Истиқлолияти давлатӣ дар вилояти Суғд ба рушди куллии соҳаҳои ҳаётан муҳим заминаи устувор гузошт
Аҳолии Тоҷикистон то охири соли 2026 ба 11 миллион нафар мерасад
Кормандони Дастгоҳи иҷроияи Президенти Ҷумҳурии Тоҷикистон ва сохторҳои тобеи он бо мукофотҳои давлатӣ сарфароз гардиданд
35 СОЛИ СОЗАНДАГӢ. Истиқлолияти давлатӣ барои рушди иқтисодию иҷтимоии Вилояти Мухтори Кӯҳистони Бадахшон имконоти нав фароҳам овард
Дар Агентии суғуртаи иҷтимоӣ ва нафақа бахшида ба 35-солагии Истиқлоли давлатӣ ҳамоиши бошукуҳ доир шуд
Дар ҷашни 35-солагии Истиқлолияти Тоҷикистон дар Ҳисор муовини Сарвазири мамлакат ва меҳмонон аз Узбекистон иштирок намуданд
Бунафша Файзиддинзода: «Дар солҳои соҳибистиқлолӣ зани тоҷик ба неруи фаъоли рушди ҷомеа табдил ёфт»
Ҳамкории ноҳияи Ёвони Тоҷикистон бо ноҳияи Уздаи Беларус тақвият меёбад
Дар Хатлон хизматчиёни давлатӣ ва кормандони соҳаҳои гуногун бо мукофотҳои давлатӣ сарфароз гардонида шуданд
