Петр Сегрт: «Мо дар қатори ҳашт дастаи беҳтарини Ҷоми Осиё қарор дорем ва ҳоло вақти мубориза бурдан аст»
ДУШАНБЕ, 02.02.2024 /АМИТ «Ховар»/. Сармураббии дастаи мунтахаби Тоҷикистон оид ба футбол Петр Сегрт дар нишасти матбуотии пеш аз бозӣ дар бораи омодагии даста ба рақобати даври чорякниҳоии Ҷоми Осиё-2023 ба муқобили тими миллии Урдун, ки 2 феврал баргузор мешавад, ибрози андеша намуд.
Петр Сегрт таъкид намуд, ки «мо ба бозии дарпешистода бо Урдун омодаем. Мефаҳмем, ки ҳариф дастаи хеле хуб дорад, онҳо мураббии қавӣ доранд. Бозӣ бо Урдун барои тими мо дар ин мусобиқот сеюмин финал аст. Дастаи Тоҷикистон дар Ҷоми Осиё даъвогари ғалаба аст ва мехоҳад орзуи худ – роҳ ёфтан ба даври баъдиро идома диҳад».
Номбурда изҳор дошт, ки дар бозии 1/8-ниҳоӣ бо дастаи яккачини АМА, ки 120 дақиқа давом намуд, қувваи зиёде сарф намудем. Тамринҳои барқароршавиро анҷом додем, ба бозии дарпешистода омодагӣ мебинем ва ҳоло бо он қуввае, ки дорем, рақобат менамоем.
«Ман фишори бозигаронро дар марҳилаи гурӯҳии Ҷоми Осиё-2023 ба дӯш гирифтам, зеро ин аввалин иштироки онҳо дар ин мусобиқа буд ва онҳо ба чунин фишор омода набуданд. Аммо ҳоло, пас аз марҳилаи гурӯҳӣ, ман наметавонам ба бозигарон фишор оварам, зеро мо дар қатори ҳашт дастаи беҳтарини Ҷоми Осиё ҳастем ва ҳоло вақти мубориза бурдан мебошад», — тазаккур дод сармураббии дастаи мунтахаби Тоҷикистон.
Петр Сегрт бо ҳисси қаноатмандӣ гуфт, ки «ман бо бозингаронамон ифтихор менамоямКоллективи мо мисли як оила аст ва шодам, ки сарвари онҳо мебошам. Аммо ҳоло пас аз бозиҳои бобарор ба ман, сармураббӣ таваҷҷуҳи зиёд зоҳир мешавад. Шумо бояд ба бозингарони дастаи миллии Тоҷикистон таваҷҷуҳ намоед, зеро онҳо ситораҳои аслии ин мусобиқа мебошанд».
АКС: Федератсияи футболи Тоҷикистон
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
