Роҳбарияти шаҳри Бӯстон бо афсарону сарбозоне, ки дар госпитали ҳарбии гарнизони Суғд табобат мегиранд, суҳбат намуданд
ДУШАНБЕ, 08.02.2024 /АМИТ «Ховар»/. Раиси шаҳри Бӯстон Нигорахон Ғаффорзода ва раиси Шурои занони ҳарбии Вазорати мудофиаи Ҷумҳурии Тоҷикистон, полковник Фирӯза Назарзода ба қисми низомии Госпитали ҳарбии гарнизони Суғд рафта, бо вазъи муолиҷаи сарбозону афсарон шинос шуданд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон.
Раиси шаҳри Бӯстон ва намояндаи Вазорати мудофиа бо сарбозон суҳбат намуда, доир ба ғамхориҳои пайвастаи Президенти Ҷумҳурии Тоҷикистон, Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон дар самти таъмини шароити арзандаи хизмат дар сафҳои Артиши миллӣ ибрози назар намуданд.
Табибон ба меҳмонон оид ба вазъи хизматрасонии тиббӣ, таъмини шароити мусоид дар госпитал ва дигар имконият иттилоъ дода, иброз доштанд, ки барои солимгардонии сарбозону афсарон ва хизматчиёни ҳарбӣ мутахассисони беморхонаи шаҳри Бӯстон ва дигар муассисаҳои тиббӣ дар ҳолатҳои зарурӣ ба машварат ва муолиҷа даъват мегарданд. Инчунин барои баланд бардоштани сатҳу сифати хизматрасонии тиббӣ ба хизматчиёни ҳарбӣ тадбирҳо андешида мешаванд.
Роҳбари шаҳр ва ҳайати меҳмонон бо шуъбаҳои ҷарроҳӣ, сироятӣ, дарунӣ, ошхона, анбори нигаҳдории озуқа ва дигар имконоти госпитал шинос гардида, маҷмуи маҳсулоти озуқа ва мавриди ниёзи аввалро дастрас намуданд.
Сарбозону афсароне, ки ба муолиҷа фаро гирифта шудаанд, ба Президенти мамлакат муҳтарам Эмомалӣ Раҳмон изҳори сипос намуда, изҳор доштанд, ки баъди муолиҷаи пурра ба қисмҳои низомӣ баргашта, ба халқу Ватан содиқона хизмат менамоянд.
АКС: Мақомоти иҷроияи ҳокимияти давлатии шаҳри Бӯстон
Имрӯз дар Тоҷикистон ҳавои бебориш пешгӯӣ мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мегардад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Имрӯз дар баъзе ноҳияҳои Тоҷикистон туман мефарояд
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
