Соли 2023 дар шаҳру ноҳияҳои Тоҷикистон 117 иншооти варзишӣ сохта шудааст
ДУШАНБЕ, 13.02.2024. /АМИТ «Ховар»/. Соли 2023 дар шаҳру ноҳияҳои ҷумҳурӣ 117 иншооти варзишӣ, аз ҷумла 87 майдончаи варзишӣ, 25 толори варзишӣ, 2 ҳавзи шиноварӣ, 3 маҷмааи варзишӣ ва солимгардонӣ бо харҷи 60 миллиону 159 ҳазору 451 сомонӣ сохта, ба истифода дода шудааст. Дар ин хусус 12 феврал Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода зимни нишасти матбуотӣ ба хабарнигорон иттилоъ дод.
Мувофиқи маълумоти оморӣ, ба ҳолати 1 январи соли 2023 дар шаҳру ноҳияҳои ҷумҳурӣ 10 ҳазору 768 иншооти варзишӣ новобаста аз шакли моликияташон ба қайд гирифта шудааст. Аз ҷумла, 126 варзишгоҳ, 7479 майдончаи варзишӣ, 2214 толорҳои варзишӣ, 94 ҳавзҳои шиноварӣ, 84 маҷмааҳою марказҳои солимгардонӣ ва 771 иншооти махсуси варзишӣ аз қабили тир, боулинг, фитнес ва клубҳои ихтиёрӣ мавҷуд мебошанд, ки фаъолияти босамар доранд.
Ҳамзамон дар нишасти матбуотӣ иттилоъ дода шуд, ки дар натиҷаи тадбирҳои андешидашуда, дар маҷмӯъ аз ҷониби Кумита, сохторҳои маҳаллӣ ва муассисаҳои тайёрии варзишии ҷумҳуриявӣ, шаҳриву ноҳиявӣ ва муассисаҳои таълимӣ давоми соли 2023 дар самти тарбияи ҷисмонӣ ва инкишофи варзиш – 38 ҳазору 734 чорабинӣ доир шуд.
Раиси Кумита иброз дошт, ки Ҳукумати мамлакат, хосса Президенти Ҷумҳурии Тоҷикистон муҳтарам Эмомалӣ Раҳмон ба рушди ҳамаи намудҳои варзиш таваҷҷуҳи хосса зоҳир менамоянд. Натиҷаи чунин ғамхориҳо аст, ки солҳои охир варзишгарони мамлакат пайваста дар мусобиқаҳои байналмилалӣ иштирок намуда, бо сазовор гардидан ба ҷойҳои ифтихорӣ нуфузу эътибори сарзамини соҳибистиқлоламонро баланд бардошта, Тоҷикистонро дар арсаи ҷаҳонӣ муаррифӣ менамоянд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
