Соли 2023 варзишгарони Артиши миллӣ барои дастовард соҳиби 95 медал гардиданд
ДУШАНБЕ, 04.02.2024 /АМИТ «Ховар»/. Дар «Кохи афсарон»-и Вазорати мудофиаи Тоҷикистон бо иштироки ҳайати роҳбариву фармондеҳии вазорат , намояндагон аз Федератсияи футболи Тоҷикистон, мураббиёну варзишгарон, афсарони Дастгоҳи марказии вазорат ва Ситоди генералии Қувваҳои Мусаллаҳ маросими ҷоизасупорӣ ба варзишгарони Вазорати мудофиа баргузор гардид. Дар ин хусус ба АМИТ «Ховар» дар Вазорати мудофиаи Тоҷикистон хабар доданд.
Таъкид гардид, ки Ҳукумати Тоҷикистон ҳанӯз аз оғози соҳибистиқлолии мамлакат заминаҳои меъёриву ҳуқуқӣ ва ташкиливу инфрасохтории соҳаи варзишро фароҳам овардааст. Ин аст, ки варзишгарони тоҷик пайваста дар мусобиқаҳои сатҳи баланди ҷаҳонӣ иштирок намуда, дар арсаи байналмиллалӣ давлату миллатамонро муаррифӣ менамоянд.
Иттилоъ дода шуд, ки дар Артиши миллӣ соли 2023 барои варзишгарони Вазорати мудофиа, хосса Клуби марказии варзиши артиш ба мисли солҳои қаблӣ соли бобарор ва пур аз дастоварду комёбиҳои арзандаи варзишӣ арзёбӣ мегардад. Зеро варзишгарони артиш давоми соли сипаригардида дар 14 мусобиқаи шаҳрӣ, 24 мусобиқаи ҷумҳуриявӣ ва 4 мусобиқаи байналмилалӣ иштирок намуда, ба нишондиҳандаҳои назарраси варзишӣ ноил гардиданд.
Дар маҷмуъ, шумораи умумии медалҳои ба даст овардаи варзишгарон дар соли 2023 ба 95 адад баробар мебошад, ки ин аз рушди соҳаи варзиш дар Қувваҳои Мусаллаҳ гувоҳӣ медиҳад.
АКС: Вазорати мудофиаи Тоҷикистон
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
