ҶУДО. Паҳлавонони тоҷик дар «Baku Grand Slam 2024» иштирок менамоянд

ДУШАНБЕ, 12.02.2024 /АМИТ «Ховар»/. 16-18 феврал мусобиқаи навбатии сайри ҷаҳонии ҷудо – «Baku Grand Slam 2024» (Озарбойҷон) баргузор мешавад, ки дар он паҳлавонони тоҷик низ иштирок менамоянд, хабар медиҳад АМИТ «Ховар» бо истинод ба Федератсияи ҷудои Тоҷикистон.

Аз Ҷумҳурии Тоҷикистон 12 варзишгар – 8 мард ва 4 зан:  Муҳаммадсолеҳ Қувватов (-60кг), Абубакр Шеров, Умедҷон Раҷабов (-73кг), Сомонӣ Кишваров (-90кг), Ҷаҳонгир Маҷидов (-100кг), Мансур Раҳмон, Шакармамад Мирмамадов (+100кг), Шукрона Қарчиева (-48кг), Аҳлия Муъминова (-52кг), Фазилат Гулбоева (-57кг) ва Мавлуда Одинаева (-63кг) ба Озарбойҷон мераванд.

Федератсияи байналмилалии ҷудо хабар додааст, ки дар мусобиқа ҳудуди 500 варзишгари беш аз 65 давлат иштирок менамоянд.

Варзишгарон барои иштирокашон хол ба даст оварда, мавқеашонро дар раддабандии олимпӣ беҳтар менамоянд. Ғолибон ва ҷоизадорон дар баробари медал ҷоизапулӣ мегиранд: барои ҷои аввал 5000 евро, ҷои дуюм – 3000 ва барои ҷои сеюм 1500 евро.

АКС: Федератсияи ҷудои Тоҷикистон