Ваколатдор оид ба ҳуқуқи инсон дар Ҷумҳурии Тоҷикистон дар конфронси байналмилалӣ иштирок намуд
ДУШАНБЕ, 26.02.2024. /АМИТ «Ховар»/. Дар шаҳри Тошканди Ҷумҳурии Узбекистон бахшида ба 29-солагии ниҳоди Ваколатдори Олии Маҷлис оид ба ҳуқуқи инсони Ҷумҳурии Узбекистон (Омбудсман) конфронси байналмилалӣ баргузор гардид, ки дар он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода чун намоянда аз ҷониби Тоҷикистон иштирок ва суханронӣ намуд. Дар ин хусус ба АМИТ «Ховар» дар мақомоти Ваколатдор хабар доданд.
Ваколатдор оид ба ҳуқуқи инсон дар Ҷумҳурии Тоҷикистон дар мавзуи «Нақши фаъолияти Ваколатдор оид ба ҳуқуқи инсон дар таъмини ҳифзи шахсони имконияташон маҳдуд дар Ҷумҳурии Тоҷикистон» сухан гуфт. Ҳамчунин доир ба дастовардҳои Ҳукумати Ҷумҳурии Тоҷикистон дар бахши таъмини риоя ва ҳифзи ҳуқуқи шахсони имконияташон маҳдуд, раванди иҷрои уҳдадориҳои байналмилалӣ дар самти тасдиқи (ратификатсияи) Конвенсияи Созмони Милали Муттаҳид оид ба ҳифзи ҳуқуқи маъюбон, фаъолияти мақомоти Ваколатдор оид ба ҳуқуқи инсон оид ба баррасии муроҷиатҳои маъюбон ва монанди инҳо ибрози назар карда шуд.
Дар конфронс ваколатдорон аз давлатҳои хориҷи дуру наздик, аз ҷумла роҳбарони ниҳоди байналмилалии омбудсменҳо аз Туркия, Италия, Австрия, Венгрия, Лаҳистон, Сербия, Озарбойҷон, Туркманистон, Қазоқистон, Қирғизистон, Муғулистон, Шоҳигарии Марокаш, аъзои Парлумон ва сохторҳои давлатии Ҷумҳурии Узбекистон, намояндагони созмонҳои байналмилалӣ ва ҷомеаи шаҳрвандӣ иштирок доштанд. Ҳамзамон дар конфронс Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода иштирок намуд.
Дар доираи конфронс Умед Бобозода бо ваколатдорони ин давлатҳо суҳбату вохӯриҳо намуд. Ҷиҳати ҳамкорӣ ва минбаъд бастани Ёддошти тафоҳуми ҳамкорӣ байни Ваколатдор оид ба ҳуқуқи инсон дар Ҷумҳурии Тоҷикистон ва омбудсменҳои ин мамлакатҳо мувофиқа ба даст омад.
АКС: Ваколатдор оид ба ҳуқуқи инсон дар Ҷумҳурии Тоҷикистон
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
