«ANTALYA GRAND SLAM-2024». Дастаи мунтахаби Тоҷикистон оид ба ҷудо дар байни 93 давлат дар ҷойи панҷум қарор дорад

Март 30, 2024 10:16

ДУШАНБЕ, 30.03.2024 /АМИТ «Ховар»/. Имрӯз мусобиқаи навбатии «Сайри ҷаҳонии ҷудо» – «Antalya Grand Slam-2024» дар Ҷумҳурии Туркия идома меёбад. Дастаи мунтахаби Тоҷикистон оид ба ҷудо дар ин мусобиқа дар ҳайати 12 нафар иштирок дорад, хабар медиҳад АМИТ «Ховар».

Дар рӯзи якуми мусобиқа аъзои дастаи мунтахаби Тоҷикистон оид ба ҷудо дар вазни то 66 кг Эмомалӣ Нуралӣ сазовори медали нуқра ва Обид Ҷебов соҳиби медали биринҷӣ гардиданд.

Мавриди гуфтан аст, ки барои баромадан ба финал Эмомалӣ Нуралӣ бар Элиос Мантси аз Италия, Ҳаким Агамаммедов аз Туркманистон, Кубаничбек Айбек уулу аз Қирғизистон ва Муҳаммад Демирел аз Туркия пирӯз шуд. Дар финал Эмомалӣ Нуралӣ аз ҷудочии ҷопонӣ Хифуми Абэ мағлуб гардид.

Обид Ҷебов дар қуваозмоӣ барои мақоми сеюм Муҳаммад Демирелро аз Туркия мағлуб намуд.


Аз рӯйи натиҷаи рӯзи якуми мусобиқа дастаи мунтахаби Тоҷикистон оид ба ҷудо бо 1 медали нуқра ва 1 медали биринҷӣ дар байни 93 давлати ҷаҳон дар ҷойи панҷум қарор дорад.

Ёдовар мешавем, ки ба ҳайати дастаи мунтахаби Тоҷикистон Аҳлия Муминова (-52 кг), Насиба Карликова (-52 кг), Меҳрзод Суфиев (-60 кг), Ҳақдод Гулов (-60 кг), Обид Ҷебов (-66 кг), Эмомалӣ Нуралӣ (-66 кг), Абубакр Шеров (-73 кг), Сомон Маҳмадбеков (-81 кг), Комроншоҳ Устопириён (-90 кг), Умедҷон Раҷабов (-90 кг), Ҷаҳонгир Маҷидов (-100 кг) ва Парвиз Абдураҳмонов (-100 кг) дохил мебошанд.


Рӯзи якуми мусобиқа барои Аҳлия Муминова (-52 кг), Насиба Карликова (-52 кг), Меҳрзод Суфиев (-60 кг) ва Ҳақдод Гулов (-60 кг) бе натиҷа анҷом ёфт.

Дар рӯзи дуюм Абубакр Шеров (-73 кг) ва Сомон Маҳмадбеков (-81 кг) рақобатро идома медиҳанд.

АКС: Федератсияи байналмилалии ҷудо/ТВ «Варзиш»

Март 30, 2024 10:16

Хабарҳои дигари ин бахш

РӮЗИ ҶАҲОНИИ ФУТБОЛ. Дастаи футболбозони иттифоқи касабаи Донишгоҳи давлатии Бохтар соҳиби Ҷом, медал ва Ифтихорнома шуд
БАХШИДА БА РӮЗИ ҶАҲОНИИ ФУТБОЛ. Дар Донишгоҳи байналмилалии забонҳои хориҷии Тоҷикистон мусобиқа оид ба футболи хурд доир шуд
Дар вилояти Суғд бахшида ба Рӯзи ҷаҳонии футбол бозии рафиқона баргузор гардид
РӮЗИ ҶАҲОНИИ ФУТБОЛ. Нашри махсуси рӯзномаи «Паёми Душанбе» ба ташаббуси глобалии Президенти Федератсияи футболи Тоҷикистон Рустами Эмомалӣ бахшида шуд
Президенти Федератсияи футболи Тоҷикистон Рустами Эмомалӣ дар нахустин фестивали Рӯзи ҷаҳонии футбол дар Душанбе иштирок намуданд
ФУТБОЛ-МУТТАҲИДКУНАНДАИ ҶАВОНОНИ ҶАҲОН. Бахшида ба Рӯзи ҷаҳонии футбол дар Донишгоҳи миллӣ ҳамоиш доир шуд
РӮЗИ ҶАҲОНИИ ФУТБОЛ. Тоҷикистон дар арсаи байналмилалӣ ҳамчун давлати ташаббускор шинохта шудааст
Барандаи медали биринҷии Чемпионати ҷаҳон оид ба ҷудо 2024 Сомон Маҳмадбеков ба Ватан баргашт
Мавсими нави Лигаи футболи занонаи Тоҷикистон дар Рӯзи ҷаҳонии футбол оғоз мешавад
БАХШИДА БА РӮЗИ ҶАҲОНИИ ФУТБОЛ. Дар ноҳияи Шаҳристон толори варзишӣ ифтитоҳ гардид
БАХШИДА БА РӮЗИ ҶАҲОНИИ ФУТБОЛ. Дар Ҳисор майдончаи варзишӣ барои бозии футбол ба истифода дода шуд
БОЗИҲОИ ИНТИХОБИИ ҶОМИ ҶАҲОН-2026. Дастаи мунтахаби Тоҷикистон омодагиро оғоз намуд