Ба сокинони шаҳри Ҳисор нуктаҳои асосии Паёми Президенти Тоҷикистон ба Маҷлиси Олӣ расонида шуданд

ДУШАНБЕ, 29.03.2024 /АМИТ «Ховар»/. Муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ  Ватанзода ва вакили Маҷлиси намояндагон аз ҳавзаи интихоботии Ҳисор №7 Сурайё Дӯстмуродзода зимни мулоқот бо сокинони Ҷамоати деҳоти Деҳқонободи шаҳри Ҳисор  нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва суханронӣ дар мулоқот бо фаъолон, намояндагони ҷомеа ва ходимони дини мамлакатро тавзеҳ доданд.

АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки дар мулоқот намояндагони палатаи поёнии Парлумони мамлакат

фаъолони ҷамоатро ба тарбияи қишрҳои ҷомеа дар руҳияи ватандӯстӣ, ифтихор аз фарҳангу арҷ гузоштан ба муқаддасот ва арзишҳои миллӣ ҳидоят намуданд.

Ҳамчунин аз ҳадафҳои Ҳукумати Ҷумҳурии Тоҷикистон ва Соли маърифати ҳуқуқӣ эълон гардидани соли 2024 ёдовар шуда, барои риояи талаботи қонунҳои миллии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар тарбияи фарзанд» тавсияву маслиҳатҳои судманд доданд.

 АКС: Мақомоти иҷроияи ҳокимияти давлатии шаҳри Ҳисор