«Бояд дар амал, бо анҷоми хизматҳои шоиста ба манфиати халқу Ватан ватандӯстии хешро собит созем»,- бардошт аз ҳамоиш дар Кумитаи кор бо ҷавонон ва варзиш

Март 2, 2024 11:15

ДУШАНБЕ, 02.03.2024/АМИТ «Ховар»/. Дар шаҳри Душанбе бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони «Тарбияи ватандӯстии шаҳрвандон — омили таҳкими пояҳои давлатдории миллӣ» ҳамоиш баргузор гардид, ки  дар кори он  масъалаи  татбиқи Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» баррасӣ гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд.

Дар ҳамоиш Раиси Кумитаи кор бо ҷавонон ва варзиш Зулфиқор Гулаҳмадзода доир ба тарбияи ватандӯстии шаҳрвандон ва ҳувияти миллии ҷавонон ибрози андеша намуда, гуфт, ки бақои ҳар миллату давлат ва рушди озодонаи ҳар як фард ба худшиносиву ҳисси баланди ватандӯстӣ вобастагӣ дорад. Ҳифзи манфиатҳои миллӣ, таҳкими пояҳои давлатдорӣ, таъмини амнияту суботи ҷомеа ва ободиву пешрафти Тоҷикистон вазифаи муқаддаси ҳар як шаҳрванд мебошад.

Таъкид шуд, ки ҳар яки мо бояд дар амал, бо анҷоми хизматҳои шоиста ба манфиати халқу Ватан ватандӯстии хешро собит созем. Танҳо инсони ватандӯсту ватанпарвар метавонад баҳри рушди ҷомеа ва мамлакаташ саҳмгузор бошад. Ватандӯстӣ моро ба ноил гардидан ба дастовардҳои нав ба нав, ки  ба нафъи миллату давлат мебошад, ҳидоят мекунад.


Инчунин дар ҳамоиш намояндагони дигар вазорату идораҳои марбутаи мамлакат доир ба  тақвияти фаъолияти идеологӣ – сиёсӣ дар самти мубориза бо зуҳуроти номатлуб, аз қабили  экстремизм ва терроризм ибрози андеша карданд.

Гуфта шуд, ки имрӯзҳо тавассути  шабакаҳои  интернетӣ  ғояҳои ифротгароӣ паҳн карда мешаванд ва ҷавонони мо бояд бо донишҳои зарурии замона мусаллаҳ гардида, равандҳои сиёсӣ, механизмҳои пайдоиши низоъҳои ҷамъиятӣ ва мазҳабӣ, инчунин, моҳияти шиору ғояҳои нерӯҳои гуногунро дарк карда, ҳушёрии сиёсиро аз даст надода, руҳияи эҳтиром ба инсон,  ҳамчун шахсият новобаста аз мансубияти миллиро дар худ тарбия намоянд.

Ҳадафи баргузории чунин ҳамоишҳо таълиму тарбияи ҷавонон дар руҳияи ватандустӣ, ифтихор аз давлату давлатдорӣ, пос доштани хотираи неки абармардон, пешгирии ҷавонон аз ҳар гуна кирдорҳои ношоиста ва баланд бардоштани зиракии сиёсии ҷавонон дар раванди ҷаҳонгароӣ мебошад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Март 2, 2024 11:15

Хабарҳои дигари ин бахш

ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид
ОГОҲӢ. Дар Тоҷикистон 24-25 май боронҳои пуршиддат, сел, жола ва раъду барқ дар назар аст
«ШАРОРАИ ҶАВОНӢ». Бахшида ба Рӯзи ҷавонони Тоҷикистон барномаи фарҳангӣ-фароғатӣ баргузор мегардад
СОЛИ МАЪРИФАТИ ҲУҚУҚӢ. Оид ба нақшии калидии ташаккули маърифати ҳуқуқии шаҳрвандон дар давлати ҳуқуқбунёд ҳамоиш доир гардид
БА ТАЪСИСИ РӮЗИ ҶАВОНОНИ ТОҶИКИСТОН 27 СОЛ ПУР ШУД. Назарпурсӣ оид ба фаъолияти ҷавонон дар ҷавоб ба дастгириҳои Президенти Тоҷикистон ва Ҳукумати мамлакат
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд»