Дар Ҷамоати деҳоти Қалъанаки ноҳияи Рашт Наврӯз бо оростани дастурхони идонаи ҳафтсину ҳафтшин баргузор гардид
РАШТ, 25.03.2024 /АМИТ «Ховар»/. Дар деҳаи Хуфаки Ҷамоати деҳоти Қалъанаки ноҳияи Рашт ҷашни Наврузи байналмилалӣ бо шукуҳу шаҳомати хосса баргузор гардид. Дар тантанаҳои идона хонандагону омӯзгорон ва аҳли деҳа хурсандона иштирок намуда, дастурхони идонаи ҳафтсину ҳафтшин ороста, суманаку ва дигар хӯрокҳои миллӣ омода намуданд. Дар ин хусус масъулини Мақомоти иҷроияи ҳокимияти давлатии ноҳияи Рашт ба хабарнигори минтақавии АМИТ «Ховар» Субҳониддини Маҳмуд иттилоъ доданд.
Мудири шуъбаи кишоварзии ноҳияи Рашт Мирзовалӣ Латифов иброз дошт, ки Истиқлолияти давлатии Ҷумҳурии Тоҷикистон замина гузошт, ки Ҳукумати мамлакат ба таъриху фарҳанг ва ҷашну маросими мардумӣ таваҷҷуҳи хосса диҳад ва барои эҳёи арзишҳои миллӣ талош намояд. Дар қатори ҷашнҳои миллию мардумӣ таҷлили ҷашни Наврӯз байни мардуми тоҷик ва тоҷикистониён мақоми калидӣ дорад. Бояд гуфт, ки ҷаҳонишавии ҷашни Наврӯзи оламафрӯз ва дар сатҳи байналмиллалӣ таҷлил намудани он нишонаи аз тарафи халқҳои гуногуни ҷаҳон эътироф гардидани бузургии он мебошад».
Имрӯзҳо дар асоси нақшаи чорабиниҳои Мақомоти иҷроияи ҳокимияти давлатии ноҳияи Рашт сокинони ҷамоатҳои шаҳраку деҳот ва муассисаҳои таълимии ноҳия бо баргузор намудани анъанаҳои неки ниёгон Наврӯзи байналмилалиро ҷашн гирифта истодаанд. Инчунин бо мақсади арҷгузорӣ ба анъанаҳои миллӣ, эҳсоси ватандӯстиву худшиносии миллӣ, инчунин баланд бардоштани ҳисси зебоипарастии занону духтарон ва тарғиби либосҳои миллӣ, дурӣ аз фарҳанги бегона дар доираи нақшаи ҷашни Наврӯз дар ҳамаи ҷамоатҳои шаҳраку деҳот аксияи тарғиботии «Тоҷикона мепӯшем!» ва Фестивал-озмуни «Сад ранги чакан» байни духтарон мегузарад.
Аз омадани Наврӯз, қабл аз ҳама, кӯдакон бо баргузории маросими «Гулгардонӣ» ба дигарон пайғом мерасонанд. Ин маросим як ҳафта қабл аз Наврӯз, яъне дар аввали даҳаи дуюми моҳи март аз сӯйи гурӯҳи кӯдакон, ки дар даст гулҳо доранд, иҷро мешавад. Дар ноҳияи Рашт маросими «Гулгардонӣ», ки кӯдакони гулгардон ба ҳар манзил наздик шуда, бо қироати шеър фарорасии фасли баҳорро ба соҳибони он хонадон шодбош мегӯянд, баргузор гардид.
АКС: Мақомоти иҷроияи ҳокимияти давлатии ноҳияи Рашт
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
