Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
ДУШАНБЕ, 25.03.2024 /АМИТ «Ховар»/. Дар ноҳияи Айнӣ ҳамоиши гирандагони стипендии Президенти Ҷумҳурии Тоҷикистон баргузор гардид.
Тавре АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад, дар ҳамоиш гирандагони стипендияи президентӣ аз шаҳри Панҷакент ва ноҳияҳои Айниву Кӯҳистони Мастчоҳ иштирок намуданд.
Дар ҳамоиш иброз гардид, ки ки соли 2023-2024 барои хонандагони ноҳия 16 квотаи президентӣ ҷудо шуда, аз он 8 духтари лаёқатманд сазовори номи донишҷӯ гардиданд.
Гуфта шуд, ки айни ҳол 30 гирандаи стипендияи Президенти Ҷумҳурии Тоҷикистон, 53 гирандаи стипендияи раиси ноҳияи Айнӣ, 21 гирандаи стипендияи бахши кор бо ҷавонон ва варзиши ноҳия ва 17 гирандаи стипендияи Кумитаи иҷроияи Ҳизби Халқии Демократии Тоҷикистон дар ноҳия ба омӯзиш фаро гирифта шудаанд.
Ҳамзамон таъкид гардид, ки таъсис ёфтани стипендияи Президенти Ҷумҳурии Тоҷикистон барои наврасону ҷавонон намунаи олии таваҷҷуҳи Пешвои муаззами миллат нисбат ба насли ояндасози ҷумҳурӣ буда, барои ҳавасманд намудани насли ҷавон ҷиҳати ба таҳсилоти муносиб фаро гирифтани онҳо ва ташаккул додани маҳорат ва малакаю истеъдоди онҳо мусоидат менамояд.
Дар фазои тантанавӣ шаҳодатнома ва маблағҳои ҷудогардида аз Фонди махсуси Президенти Ҷумҳурии Тоҷикистон ба ҳар як гирандаи стипендияи президентӣ тақдим гардид.
Ҳамзамон дар доираи ҳамоиш ба гирандагони стипендияи раиси ноҳия, бахши бахши кор бо ҷавонон ва варзиш ва Кумитаи иҷроияи Ҳизби Халқии Демократии Тоҷикистон дар ноҳияи Айнӣ шаҳодатнома ва маблағи пули супорида шуд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
