Дар ноҳияи Деваштич бо фаъолону намояндагони ҷомеа ва ходимони дин вохӯрӣ доир шуд
ДУШАНБЕ, 19.03.2024. /АМИТ «Ховар»/. Дар ҳошияи мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷомеа ва ходимони дини мамлакат вохӯрии гурӯҳи корӣ бо фаъолону намояндагони ҷомеа ва ходимони дини ноҳияи Деваштич баргузор шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар он Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода, Раиси ноҳияи Деваштич Ашуралӣ Ҷалилзода ва масъулон иштирок намуданд.
Роҳбари гурӯҳи корӣ Зулфиқор Гулаҳмадзода оид ба моҳияти нуктаҳои асосии паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ва мулоқот бо фаъолону намояндагони ҷомеа ва ходимони дини мамлакат, 9 марти имсол дар “Кохи Ваҳдат”-и шаҳри Душанбе ироа гардид, сухан гуфт.
Дар вохӯрӣ масалаҳои пешгирии хурофоту бегонапарастӣ, даъвати ҷавонон ба хизмати ҳарбӣ ва анҷом додани корҳои таблиғотӣ дар ин самт, истифодаи сарфакоронаи қитъаҳои замини наздиҳавлигӣ, баланд бардоштани ҳосилнокии заминҳо, анҷом додани кишти зироат, зиёд намудани майдони кишти картошка, истифодаи сарфакоронаи неруи барқ, вусъати корҳои ободонию бунёдкорӣ ба ифтихори истиқболи сазовори ҷашни 35-солагии Истиқлоли давлатӣ, бунёди корхонаву коргоҳҳои хурди истеҳсолӣ баррасӣ гардид.
Ҳамзамон Мақомоти иҷроияи ҳокимияти давлатии ноҳия Деваштич вазифадор карда шуд, ки аз ҳисоби фаъолон, масъулини бахши иҷтимоӣ ва ходимони дини ноҳия гурӯҳи корӣ таъсис дода, ҷиҳати гузаронидани суҳбату вохӯриҳо бо усули рӯ ба рӯ ва кӯча ба кӯча бо сокинони ноҳия ва расонидани масъалаҳои гуфташуда тадбирҳои амалӣ андешанд.
Инчунин таъкид гардид, ки дар баробари ҳифзи арзишҳои милливу фарҳангии халқи тоҷик, тавре Сарвари давлат иброз намуданд, моро зарур аст, ки ба туҳмату буҳтон ва санги маломат нисбат ба дини мубини ислом низ бетараф набошем.
АКС: Маркази таҳлил ва иттилооти Дастгоҳи марказии Кумитаи кор бо ҷавонон ва варзишиназди Ҳукумати Ҷумҳурии Тоҷикистон
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
