Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
ДУШАНБЕ, 21.03.2024. /АМИТ «Ховар»/. Бахшида ба Ҷашни байналмилалии Наврӯз ва дар доираи таҷлил Ҷашни 35-солагии Истиқлоли давлатии Ҷумҳурии Тоҷикистон дар шаҳри Турсунзода як қатор иншоот мавриди истифода қарор гирифт.
Тавре ба АМИТ «Ховар» дар Мақомоти иҷроияи ҳокимияти давлатии шаҳри Турсунзода иттилоъ доданд, дар деҳаи Имоми Аъзами Ҷамоати деҳоти Қаратоғ бо иштироки роҳбарияти шаҳр «Наврӯзгоҳ» ифтитоҳ гардид.
Дар ҳамин ҷо сокинон бо оростани дастархони наврӯзии ҳафтсину ҳафтшин, пухтани суманаку хони наврӯзӣ ва намоиши ҳунарҳои мардумию мусобиқаҳои миллӣ Ҷашни байналмилалии Наврӯзро бо шукуҳу шаҳомати хос таҷлил намуданд.
Иброз гардид, ки Тоҷикистон ватани Наврӯз маҳсуб шуда, мардуми шарафманди шаҳри Турсунзода низ дар пойдории рукнҳои таърихиву фарҳангӣ ва суннатҳои неки наврӯзӣ саҳми арзанда мегузоранд.
Ҳамчунин дар доираи тадбирҳои созандагӣ дар маҳаллаи 4-ум бо иштироки роҳбарияти шаҳри Турсунзода толори варзишии «Шербача» ва Ҷамъияти дорои масъулити маҳдуди «Нури Маҳмуд» ба истифода дода шуданд.
Иттилоъ дода шуд, ки толори варзишии «Шербача» барои машқи намуди варзиши олимпӣ Таэквондо ВТФ ва тамрини занону духтарон пешбинӣ шуда, бо ибтикори соҳибкор ва мураббии гурӯҳи Таэквондо ВТФ Ҷамшед Сайфиддинов бунёд гардидааст.
Толор дорои шароити мусоид ва таҷҳизоти муосири тамринӣ мебошад.
Таъкид гардид, ки Ҷамъияти дорои масъулити маҳдуди «Нури Маҳмуд» хизматрасониро дар самти маҳси кӯдаконаву занона пешниҳод менамояд. Дар дохили бинои ҷамъият ҳаммоми занона бо шароити буғи тару хушк ва ҳавзи оббозӣ ташкил карда шудааст ва ба ҳифзи саломатии занону кудакон созгор аст.
Инчунин дар партави дастуру ҳидоятҳои Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон оид ба дастгирии қишри ниёзманди ҷомеа аз ҷониби Мақомоти иҷроияи ҳокимияти давлатии шаҳри Турсунзода дар ҳамкорӣ бо соҳибкорони маҳаллӣ ба 410 оилаи камбизоат ва табақаи ниёзманд кумаки моддӣ расонида шуд.
АКС: Мақомоти иҷроияи ҳокимияти давлатии шаҳри Турсунзода
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
35-СОЛАГИИ ИСТИҚЛОЛИ ДАВЛАТӢ. Дар Спитамен якчанд иншооти маорифу тандурустӣ ба истифода дода мешавад
Дар Душанбе дуюмин Чемпионати ҷаҳон оид ба гӯштингирӣ баргузор мешавад
Дар Душанбе Рӯзи фарҳанги ноҳияи Ашт баргузор шуд
Имрӯз дар шаҳри Душанбе Рӯзи фарҳанги ноҳияи Восеъ баргузор шуд
Дар Рӯзи фарҳанги ноҳияи Вахш дастовардҳои давоми соҳибистиқлолӣ муаррифӣ гардид
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Зафаробод Маркази стоматологӣ кушода шуд
Осорхонаи миллӣ дар Тоҷикобод намоиши сайёри осорхонавӣ ташкил намуд
