Дастаи мунтахаби Тоҷикистон пас аз ҷамъомади тамринӣ аз Давҳа ба шаҳри Риёз сафар менамояд
ДУШАНБЕ, 18.03.2024. /АМИТ «Ховар»/. Шаби 18 март дастаи мунтахаби Тоҷикистон оид ба футбол барои анҷом додани бозии даври интихобии Ҷоми ҷаҳон-2026 бо дастаи мунтахаби Арабистони Саудӣ, ки 21 март баргузор мешавад, ба шаҳри Риёз меравад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи мунтахаби Тоҷикистон дар доираи ҷамъомади тамринӣ дар шаҳри Давҳа машқҳои охиринашро анҷом дод. Бояд гуфт, ки имрӯз ба ҳайати дастаи мунтахаби Тоҷикистон панҷ бозингари дигар ҳамроҳ шуд. Инҳо ҳимоятгарон Зоир Ҷӯрабоев ва Манучеҳр Сафаров (ҳарду аз дастаи «Нефтчӣ») ва ҳамлагар Шаҳром Самиев аз дастаи «Андиҷон», ки дар чемпионати Узбекистон бозӣ менамоянд, инчунин нимҳимоятгари дастаи ССКА-1948 Парвизҷон Умарбоев ва бозингари дастаи «Самтредия»-и Гурҷистон Муродалӣ Ақназаров мебошанд. Ҳайати пурраи дастаи мунтахаби Тоҷикистон дар Риёз ҷамъ мешавад. Онҷо ҳимоятгар Ваҳдат Ҳанонов аз дастаи «Персеполис»-и Эрон ва нимҳимоятгар Руслан Хайлоев аз дастаи «Тюмен»-и Русия ба даста мепайванданд.
Ёдовар мешавем, ки бозии сеюми даври дуюми марҳилаи интихобии Ҷоми ҷаҳон-2026 ба муқобили дастаи мунтахаби Арабистони Саудӣ дар варзишгоҳи Донишгоҳи Шоҳ Сауд 21 март соати 23:59 ба вақти Душанбе оғоз мегардад. Сипас дастаи мунтахаби Тоҷикистон ба шаҳри Душанбе баргашта, дар майдонаш бо дастаи мунтахаби Арабистони Саудӣ бозии интихобии Ҷоми ҷаҳон-2026-ро анҷом медиҳад. Ин рақобат 26 март, соати 20:00 дар Варзишгоҳи марказии шаҳри Душанбе баргузор мешавад.
АКС: Федератсияи футболи Тоҷикистон
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
