Имрӯз дар Тоҷикистон ҳавои тағйирёбанда шуда, борону барф меборад

ДУШАНБЕ, 03.03.2024. /АМИТ «Ховар»/. Имрӯз дар мамлакат ҳавои тағйирёбанда шуда, борону барф борида, туман мефарояд.  Бо сабаби боқӣ мондани воридшавии анбӯҳи ҳавои сард ва намнок дар бештари манотиқи мамлакат пастшавии ҳарорати ҳаво пешгӯӣ шуда, дар ноҳияҳои водию доманакӯҳӣ шабона ва рӯзона то 0-5 дараҷа хунук, дар минтақаҳои кӯҳӣ то 8-13 дараҷа хунук мешавад, иттилоъ медиҳад АМИТ «Ховар» бо истинод ба Агентии обуҳавошиносии Тоҷикистон.

Дар Вилояти Мухтори Кӯҳистони Бадахшон ҳавои тағйирёбанда шуда, дар ноҳияҳои алоҳида борону барф меборад. Шамол аз самти ғарб бо суръати 4-9, дар баъзе ноҳияҳо бо шиддати то 10-15 метр дар як сония мевазад. Ҳаво дар ғарби вилоят шабона 0-5  ва рӯзона аз 4 дараҷа хунук то 1 дараҷа гарм, дар шарқи вилоят шабона 11-16 ва рӯзона 1-6 дараҷа хунук мешавад.

Дар вилояти Суғд  ҳавои абрнок шуда, борону барф борида, туман мефарояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона аз 3 дараҷа хунук то 2 дараҷа гарм дараҷа хунук, рӯзона 2+7 дараҷа гарм, дар ноҳияҳои кӯҳӣ шабона 7-12 дараҷа хунук, рӯзона 0-5 дараҷа хунук мешавад.

Дар ноҳияҳои вилояти Хатлон ҳавои тағйирёбанда шуда, дар ноҳияҳои алоҳида борону барф меборад. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона аз 2-7 дараҷа хунук, рӯзона аз 2 дараҷа хунук то 3 дараҷа гарм, дар доманакӯҳҳо шабона 4-9 дараҷа хунук, рӯзона 0-5 дараҷа хунук мешавад.

Дар ноҳияҳои тобеи ҷумҳурӣ ҳавои абрнок шуда, дар баъзе ноҳияҳо борону барф борида, дар ноҳияҳои алоҳида туман мефарояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 1-6 дараҷа хунук, рӯзона аз 2 дараҷа хунук то 3 гарм, дар ноҳияҳои кӯҳӣ шабона 3-8  ва рӯзона 0-5 дараҷа хунук мешавад.

Дар шаҳри Душанбе ҳавои абрнок шуда, борону барф борида, туман мефарояд. Шамол аз самти ғарб бо суръати 5-10 метр дар як сония мевазад. Ҳаво шабона 3-5 дараҷа хунук ва рӯзона аз 1+3 дараҷа гарм мешавад.