ҲИСОББАРОБАРКУНИИ ҒАЙРИНАҚДӢ. Дар Шуғнон шумораи марказҳои хизматрасонӣ ва савдо, ки бо ин низом фаъолият менамоянд, меафзояд
ХОРУҒ, 04.03.2024 /АМИТ «Ховар»/. Кормандони шуъбаи минтақавии Бонки миллии Тоҷикистон дар Вилояти Мухтори Кӯҳистони Бадахшон ва филиали он дар ноҳияи Шуғнон бо мақсади таъмини фаъолияти босамари низоми пардохти ғайринақдӣ, аҳамият ва моҳияти он дар рушди иқтисоди ҷумҳурӣ бо тоҷирону соҳибкорони ин ноҳия мулоқот намуда, ба саволҳояшон посухҳои мушаххас доданд.
Мудири филиали рақами 74-и Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар ноҳияи Шуғнон Бахтдавлат Собиров ба хабарнигори минтақавии АМИТ «Ховар» Файз Мирасан гуфт, ки «пардохти ғайринақдӣ ба таъмини шаффофияти амалиёти молиявӣ, ғанӣ гардонидани буҷети давлатӣ, пешгирии омилҳои коррупсионӣ заминаи мустаҳкам гузошта, баҳри ҷалби сармояи дохилию хориҷӣ шароити мусоид фароҳам меорад. Шуғнон яке аз калонтарин ноҳияҳои вилоят ба ҳисоб рафта, дар ҳар маҳалла дӯкону мағозаҳо ва марказҳои калони савдо мавҷуд ҳастанд. Соли 2023 дар нуқтаҳои савдо ва хизматрасонӣ 85 таҷҳизоти электронии пардохтӣ, аз ҷумла 48 постерминал насб гардид».
Мағозаи «Сулҳия» дар маркази ноҳия- шаҳраки Ваҳдат ҷойгир буда, ба соҳибкори инфиродӣ Шокир Алимамадов тааллуқ дорад. Ин мағоза аз моҳи январи соли 2022 бо истифода аз ҳисоббаробаркунии ғайринақдӣ фаъолият менамояд. Дар мағоза ҳама гуна молу маҳсулот ба харидорон тавассути корт ва кюар- рамзҳо фурӯхта мешавад. Ҳамчунин дар мағозаҳои соҳибкорон Ғуломасейн Бозоров ва Бахтоваршо Алимададшоев ба мушоҳида расид, ки ҳамаи харидорон бо ҳисоббаробаркунии ғайринақдӣ хуб шинос буда, батадриҷ ба ин намуди хизматрасонӣ мегузаранд.
Бахтдавлат Собиров гуфт, ки доир ба ин масъала бо ҳамаи роҳбарону мутахассисоне, ки бо шахсони воқеӣ ва ҳуқуқӣ хизматрасонии давлатӣ анҷом медиҳанд, суҳбат кардаанд. Ҳамзамон онҳоро даъват намуданд, ки якҷо бо низоми бонкии ноҳия бо мақсади амалӣ намудани Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» тадбирҳои зарурӣ андешанд.
АКС: АМИТ «Ховар»
Ҳайати Тоҷикистон дар Форуми тиҷоратӣ-сармоягузории кишварҳо дар шаҳри Сингапур иштирок намуд
ҚУРБИ АСЪОР: дар Тоҷикистон 1 доллари ИМА аз 10.6616 то 10.6900 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1063 то 0.1080 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.2411 то 11.2600 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1066 то 0.1080 сомонӣ муқаррар шудааст
Ҳушдори Бонки миллии Тоҷикистон ба шаҳрвандон: «Ҳангоми муомилот бо пули нақд эҳтиёткор бошед!»
Дар Бонки миллӣ Рӯзи Президенти Тоҷикистон ва 32-солагии Иҷлосияи ХVI Шурои Олии мамлакат таҷлил гардид
ҚУРБИ АСЪОР: дар Тоҷикистон 1 доллари ИМА аз 10.6539 то 10.6900 сомонӣ муқаррар шудааст
Ҳайати Тоҷикистон дар конфронси минтақавӣ оид ба маблағгузории хатари офатҳои табиӣ ва суғурта дар Осиёи Марказӣ иштирок намуд
Ҷаласаи 51-уми Шурои бонкҳои марказии (миллии) Авруосиё баргузор гардид
