Мунира Абдусаломова ба Бозиҳои олимпии Париж-2024 роҳхат гирифт
ДУШАНБЕ, 18.03.2024. /АМИТ «Ховар»/. Дар Ҷумҳурии Мардумии Чин мусобиқаи интихобии олимпӣ оид ба таэквондо дар қораи Осиё дар сатҳи баланд баргузор гардид, ки дар он варзишгарбонуи тоҷик Мунира Абдусаломова дар вазни +67 кг роҳхати Бозиҳои олимпии Париж-2024-ро ба даст овард. Мунира дар рӯзи дуюми мусобиқаи интихобӣ дар Чин бар намояндагони Амороти Муттаҳидаи Араб ва Қазоқистон пирӯз гашта, ба финал баромад ва роҳхати олимпӣ гирифт. Дар ин хусус ба шореҳи варзиши АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ин чорумин роҳхати олимпии варзишгарони тоҷик мебошад. Қаблан Миҷгона Самадова, Давлат Болтаев ва Баҳодур Усмонов дар намуди бокс роҳхати Бозиҳои олимпиро ба даст оварда буданд.
Ёдовар мешавем, ки дар рӯзи якуми мусобиқа таэквондочиёни тоҷик Муҳаммадҷон Суннатов дар вазни то 68 кг ва Моҳру Ҳалимова дар вазни то 67 кг дар даври аввали мусобиқаи интихобии олимпӣ оид ба таэквондо дар қораи Осиё мағлуб гардида, аз идомаи рақобатҳо бенасиб монданд.
Аз ҷониби Федератсияи таэквондо WTF-и Тоҷикистон ҳайати дастаи мунтахаби Тоҷикистон иборат аз 3 варзишгар – Муҳаммадҷон Суннатов дар вазни то 68кг, Моҳру Ҳалимова дар вазни то 67кг ва Мунира Абдусаломова дар вазни +67кг барои иштирок ба мусобиқаи интихобии олимпӣ дар Ҷумҳурии Мардумии Чин ҷалб гардида буд.
Варзишгарон дар ҳашт вазн – 4 вазн байни мардҳо ва 4 вазн байни духтарон барои ба даст овардани роҳхат ба Бозиҳои олимпии Париж-2024 талош намуданд. Тибқи низомнома, дар ҳамаи вазнҳо ду роҳхат дода шуд. Яъне варзишгароне, ки ба финал мебароянд, имкони ширкат дар Бозиҳои олимпиро пайдо менамоянд.
АКС аз сомонаҳои боз
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
